অসম

assam

By

Published : Nov 17, 2019, 10:54 PM IST

Updated : Nov 18, 2019, 1:34 PM IST

ETV Bharat / state

মিৰ্জাত শীঘ্ৰেই উপলদ্ধ হ'ব তিনিটকীয়া চেনিটেৰী নেপকিন !

দক্ষিণ কামৰূপৰ এগৰাকী মহিলাই ঘৰতে স্থাপন কৰি লৈছে চেনিটেৰী নেপকিন প্ৰস্তুত কৰা এটি যন্ত্ৰ । প্ৰথম অৱস্থাত স্থানীয়ভাৱে বিক্ৰী কৰা হ'ব যদিও পিছত ৰাজ্যৰ ভিন্ন প্ৰান্তত বিক্ৰীৰ বাবে মুকলি কৰি দিয়া হ'ব চেনিটেৰী নেপকিন ৷

তিনিটকীয়া চেনিটেৰী নেপকিন

দক্ষিণ কামৰূপ,17 নৱেম্বৰঃ দক্ষিণ কামৰূপৰ প্ৰীতি দাস নামৰ এগৰাকী মহিলাই ঘৰতে স্থাপন কৰি লৈছে চেনিটেৰী নেপকিন প্ৰস্তুত কৰা এটি যন্ত্ৰ । অঞ্চলটোৰ মহিলাসকলক কৰ্মসংস্থাপন আৰু কম মূল্যত পেড যোগান ধৰাৰ উদ্দেশ্যে মহিলাগৰাকীয়ে ঘৰতে এনেদৰে স্থাপন কৰিছে এই যন্ত্ৰটো । অঞ্চলটোৰ মহিলাসকলে যাতে স্বাস্থ্যকৰ পৰিৱেশৰ মাজত জীৱন যাপন কৰিব পাৰে, তাৰ বাবে এই বিশেষ পদক্ষেপ হাতত লৈ মহিলাগৰাকীয়ে ৷ দক্ষিণ কামৰূপৰ মিৰ্জা জামৰতলত নিজ বাসগৃহতে স্থাপন কৰা এই যন্ত্ৰটোৰ দ্বাৰা ১মিনিটত ৪০টা পেড প্ৰস্তুত কৰি উলিয়াব পাৰি ৷ 'Always Be Lady 'নামেৰে বজাৰলৈ আহিবলগীয়া এই পেডৰ মূল্যও হ'ব অন্য কোম্পানীৰ পেডতকৈ যথেষ্ট কম মূল্যৰ । প্ৰায় ৫ লাখ টকা ব্যয় সাপেক্ষে নিৰ্মাণ কৰা এই কাৰখানাত মহিলাগৰাকীয়ে নিজে স্বাৱলম্বী হোৱাৰ লগতে অন্য মহিলাৰ বাবেও মুকলি কৰি দিছে কৰ্মসংস্থাপনৰ পথ । প্ৰথম অৱস্থাত স্থানীয়ভাৱে এই পেড বিক্ৰী কৰা হ'ব যদিও পিছত এই পেড ৰাজ্যৰ ভিন্ন প্ৰান্তত বিক্ৰীৰ বাবে মুকলি কৰি দিয়া হ'ব ৷ লক্ষণীয়ভাৱে, মহিলাগৰাকীয়ে গ্ৰহণ কৰা এই পদক্ষেপক শলাগ জনায় বিভিন্নজনে ৷

তিনিটকীয়া চেনিটেৰী নেপকিন
Last Updated : Nov 18, 2019, 1:34 PM IST

ABOUT THE AUTHOR

...view details