ৰঙিয়া,17 মে':ৰঙিয়াত স্বাস্থ্য বিভাগৰ আজৱ কাণ্ড ৷ নমুনা সংগ্ৰহ নকৰাকৈয়ে এগৰাকী ব্যক্তিলৈ স্বাস্থ্য বিভাগে পঠিয়ালে হোম আইচ'লেচনৰ বাৰ্তা ৷ ঘটনা অনুসৰি, ৰঙিয়া তুলসীবাৰীৰ নিবাসী বীৰেণ কলিতা নামৰ লোকজনে 16 মে' দেওবাৰে স্বাস্থ্য বিভাগৰ তৰফৰ পৰা এটা বাৰ্তা লাভ কৰে ৷ য'ত লোকজনৰ ৰেপিড এণ্টিজেন টেষ্টৰ বাবে নমুনা সংগ্ৰহ কৰাৰ লগতে হোম আইচ'লেচনত থকাৰ নিৰ্দেশ প্ৰেৰণ কৰা হৈছে ৷
কিন্তু বীৰেণ কলিতা নামৰ লোকজনে সাংবাদিকক জনোৱা অনুসৰি, লোকজনৰ পৰা তেতিয়ালৈকে ক'ভিড টেষ্টৰ বাবে কোনো নমুনা সংগ্ৰহ কৰা হোৱা নাই । তেওঁৰ লগতে পৰিয়ালৰ প্ৰতিজন সদস্য সুস্থ হৈ আছে যদিও বাৰ্তা লাভৰ পাচতে আতংকিত হৈ পৰিছে ।
নমুনা সংগ্ৰহ অবিহনে হোম আইচ'লেচনত থকাৰ নিৰ্দেশ ৰঙিয়াত