ছয়গাঁও, হোজাই; ২ নৱেম্বৰ : ছয়গাঁও আৰক্ষীয়ে সোমবাৰে নিশা অভিযান চলাই চাৰিটা গৰুসহ এজন লোকক আটক কৰে । ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া কপিল পাঠকৰ নেতৃত্বত আৰক্ষীৰ এটা দলে অভিযানত জব্দ কৰা হয় গৰুকেইটাসহ সৰবৰাহকীৰটোক ৷
আৰক্ষীৰ দলটোৱে ছয়গাঁৱৰ আটকাধীন সৰবৰাহকাৰীটো গৰৈমাৰী হাতীপাৰাৰ মীৰ হুছেইন বুলি জানিব পৰা হৈছে ৷ মীৰ হুছেইনে গৰু চাৰিটা লৈ গৈ থকা অৱস্থাত বৰটৰী অঞ্চলৰ পৰা আৰক্ষীৰ দলে আটক কৰে সৰবৰাহকাৰীটোক ৷
আনহাতে, হোজাই জিলাৰ ভালুকমাৰীৰ ইটাগাঁৱত মঙলবাৰে পুৱা স্থানীয় ৰাইজে চোৰাংকৈ গৰু সৰবৰাহৰ কৰাৰ সন্দেহৰ ভিত্তিত এখন বলেৰ’ পিকআপ ভান আবদ্ধ কৰি ৰাখে ৷ স্থানীয় লোকে বলেৰ’ পিকআপ ভানসহ গৰুকেইটাক উদ্ধাৰ কৰি শংকৰদেৱ নগৰ আৰক্ষীক গতাই দিয়ে । গৰুকেইটা নখুঁটিৰ পৰা লংকাৰ লস্কৰপথাৰলৈ নি থকা বুলি জানিব পৰা গৈছে ।
উল্লেখ্য যে, অসম আৰক্ষীয়ে গৰুৰ চোৰাং সৰবৰাহকাৰীৰ বিৰুদ্ধে অভিযান অব্যাহত ৰাখি ইতিমধ্যে কেইবাটাও চোৰাংকৈ সৰবৰাহৰ চেষ্টা কৰা গৰু জব্দ কৰাৰ লগতে বহুকেইটা সৰবৰাহীকাৰীক আটক কৰিবলৈ সক্ষম হৈছে ৷
লগতে পঢ়ক :ড্ৰাগছৰ বিৰুদ্ধে আৰক্ষীৰ অভিযান : গুৱাহাটী-চিৰাঙৰ পৰা আটক দুজনকৈ ব্যক্তি
