ৰঙিয়া, ১ জুলাই :বুধবাৰে ৰঙিয়াত পুনৰ আন এগৰাকী ব্যক্তি কোভিড-১৯ ত আক্ৰান্ত হৈছে । আক্ৰান্ত ব্যক্তি গৰাকী হৈছে আই চি ইউত কৰ্তব্যৰত নাৰ্ছ লাৰিচা খিন্দাইত।
জানিব পৰা মতে, নাৰ্ছ গৰাকীৰ ২৪ জুনত স্বাব সংগ্ৰহ কৰা হৈছিল আৰু বুধবাৰে নাৰ্ছ গৰাকীৰ দেহত কোভিড-১৯ পজিটিভ ধৰা পৰে । ইয়াৰ পিচতে নাৰ্ছ গৰাকীক মিৰ্জাৰ পতঞ্জলী কোভিড চিকিৎসালয়লৈ প্ৰেৰণ কৰা হয় ।
উল্লেখ্যযোগ্য যে, নাৰ্ছ গৰাকীয়ে মংগলবাৰলৈকে চিকিৎসালয়খনত কৰ্তব্য পালন কৰি আছিল । ইতিমধ্যে, নাৰ্ছ গৰাকী কৰ'ণাত আক্ৰান্ত হোৱাৰ পিছতে আতংকিত হৈ পৰিছে চিকিৎসালয়খনত থকা ৰোগীসকল । নাৰ্ছ গৰাকীৰ সংস্পৰ্শত অহা চিকিৎসালয়খনৰ স্বাস্থ্য কৰ্মীৰ লগতে ৰোগীসকলৰ একাংশ যদি কোভিড-১৯ পজিটিভ ওলাই তেন্তে সমগ্ৰ ৰঙিয়াৰ বাবে চিন্তাৰ কাৰণ হৈ পৰিব ।
লগতে পঢ়ক : নিঃচিহ্ন হোৱাৰ পথত বাক্সাৰ এখন গাঁও
