দক্ষিণ কামৰূপৰ মিৰ্জা সৰপাৰাত অঘটন !

অবৈধভাৱে খান্দি থোৱা গাঁতত পৰি কৰুণ মৃত্যু এজন যুৱকৰ ৷ NDRF বাহিনীয়ে উদ্ধাৰ কৰে লোকজনৰ মৃতদেহ

দক্ষিণ কামৰূপ, 24 জুনঃ দক্ষিণ কামৰূপৰ মিৰ্জা সৰপাৰাত সংঘটিত হৈছে এক কৰুণ ঘটনা ৷ পথাৰত হাল বাবলৈ গৈ সন্ধানহীন হ'ল এজন লোক। সন্ধানহীন লোকজনৰ নাম যমচেৰ আলি। কৃষি ভূমিৰ মাজত অবৈধ ভাৱে খন্দা পুখুৰীসদৃশ গাঁতত পানী ভৰ্তি হৈ থকা ফলত পৰি সন্ধানহীন হয় কৃষক যমচেৰ আলি। নিজৰ খেতিপথাৰলৈ গৈ যাওতে সংঘটিত হয় এই অঘটন ।

পথাৰৰ পৰা গৰুহাল পানীত নামোতে গৰুহাল বচাবলৈ আহিছিল লোকজন ৷ তাৰ পিছতে ঘটিল এই অঘটন । ঘটনাস্থলীত আৰক্ষী তথা NDRF বাহিনী উপস্থিত হৈ উদ্ধাৰ কৰে লোকজনৰ মৃতদেহ।

উল্লেখ্য যে,দক্ষিণ কামৰূপ ভূ-মাফিয়া সমূহে পথাৰত অবৈধভাৱে খান্দি থোৱা গাঁতত পৰি ইয়াৰ পূৰ্বেও কৰুণ মৃত্যুক সাৱতি ল'বলগীয়া হৈছিল বহু লোকে ৷ পুনৰ একে অনুৰূপ ঘটনা সংঘটিত হ’ল সোমবাৰৰ দিনটোত ৷