ছয়গাঁৱত চুৰি মটৰ চাইকেলসহ এজন আটক

ছয়গাঁও আৰক্ষী (Chaygaon Police) থানাৰ ভাৰপ্ৰাপ্ত আৰক্ষী বিষয়া কপিল পাঠকৰ নেতৃত্বত ছয়গাঁও আৰক্ষীৰ এটা দলে গৰৈমাৰীৰ হাতীশলা গাঁৱত অভিযান চলাই এখন চুৰি মটৰ চাইকেল উদ্ধাৰ কৰিবলৈ সক্ষম হয় ।

ছয়গাঁও, ১৩ জুলাই :ৰাজ্যত অব্যাহত আছে অসম আৰক্ষীৰ (Assam police) ড্ৰাগছ বিৰোধী অভিযান । ইতিমধ্যে ৰাজ্যৰ ভিন্ন প্ৰান্তত নিষিদ্ধ ড্ৰাগছ (Illegal drugs) সৰবৰাহত জড়িত বহুলোকক গ্ৰেপ্তাৰ কৰিছে আৰক্ষীয়ে । সমান্তৰালকৈ লাখ লাখ টকাৰ নিষিদ্ধ ড্ৰাগছ আৰু নিচাজাতীয় দ্ৰব্য জব্দ কৰিবলৈ সক্ষম হৈছে অসম আৰক্ষী ।

কিন্তু ইয়াৰ মাজতে আন আন অপৰাধজনিত ঘটনা সংঘটিত হৈ আছে অসমৰ ভিন্ন প্ৰান্তত । বিশেষকৈ চুৰি আৰু ডকাইতিৰ ঘটনা বহু অঞ্চলত দ্ৰুতগতিত বৃদ্ধি পাইছে । সেয়ে অসম আৰক্ষীয়ে শেহতীয়াকৈ চুৰি, ডকাইতি আদি ঘটনাৰ লগত জড়িত লোকসকলৰ বিৰুদ্ধে অভিযান আৰম্ভ কৰিছে । কামৰূপ জিলাৰ ছয়গাঁও অঞ্চলত দিনকদিনে বৃদ্ধি পোৱা এনেধৰণৰ অনৈতিক কাৰ্য-কলাপৰ বিৰুদ্ধে আৰক্ষীয়ে অভিযান অব্যাহত ৰাখিছে ।

ধাৰাবাহিক অভিযানৰ মাজতে সোমবাৰে নিশা পুনৰ ছয়গাঁও আৰক্ষী (Chaygaon Police) থানাৰ ভাৰপ্ৰাপ্ত আৰক্ষী বিষয়া কপিল পাঠকৰ নেতৃত্বত ছয়গাঁও আৰক্ষীৰ এটা দলে গৰৈমাৰীৰ হাতীশলা গাঁৱত এক অভিযান চলায় ।

এই অভিযানত হাতীশলা গাঁৱৰ পৰা এখন চুৰি মটৰ চাইকেল উদ্ধাৰ কৰিবলৈ সক্ষম হয় আৰক্ষীৰ দলটো । চুৰি মটৰ চাইকেলখনৰ সৈতে হাতীশলা গাঁৱৰ অমৰ আলী নামৰ লোকজনকো আৰক্ষীয়ে আটক কৰে । উদ্ধাৰ কৰা মটৰ চাইকেলখন ছয়গাঁও আৰক্ষী থানালৈ নিয়াৰ লগতে চোৰটোক (Bike thief) জেল হাজোতলৈ প্ৰেৰণ কৰা হৈছে ৷

অপৰাধীৰ ক্ষেত্ৰত শেহতীয়াকৈ অসম আৰক্ষী যথেষ্ঠ কঠোৰ হোৱা দেখা গৈছে । এনকাউণ্টাৰৰ (Encounter) বিষয়ক লৈ ইতিমধ্যে ৰাজ্যজুৰি তীব্ৰ উত্তেজনাই বিৰাজ কৰিছে । বিৰোধীয়ে বিজেপি (BJP) নেতৃত্বধীন চৰকাৰ লগতে অসম আৰক্ষীক যথেষ্ঠ পৰিমাণে সমালোচনা কৰাও দেখা গৈছে । আনকি বিধানসভাৰ (Assembly) মজিয়াটো এই বিষয়টোকলৈ বিভিন্ন তৰ্ক-বিতৰ্ক হোৱা দেখা গৈছে ।

লগতে পঢ়ক :ধৰমতুল কাণ্ডৰ অভিযুক্ত ৰমেন মেধিৰ আত্মসমৰ্পণ