ৰঙিয়া, 2 আগষ্ট : ৰঙিয়াৰ কোঠৰাত এখন দলঙৰ বাবে যাতায়াতৰ নামত স্থানীয় লোকে দুৰ্ভোগ ভূগিবলগীয়া হৈছে । বৃহত্তৰ অঞ্চলটোৰ বাবে বহু প্ৰত্যাশিত পকী দলঙখন নিৰ্মাণৰ কাম আঠমাহ পূৰ্বে সম্পূৰ্ণ হোৱাৰ পাছতো বৰ্তমানলৈ দলঙখনেৰে যাতায়াত কৰিব পৰা নাই ৰাইজে ৷ যাৰ বাবে কোঠৰা, গৰিয়াকোঠকে আদি কৰি বহুকেইখন গাঁৱৰ ৰাইজে যাতায়াতৰ নামত জীয়াতু ভূগিবলগা হৈছে ।
দলং সম্পূৰ্ণ হোৱাৰ ৮ মাহ পিছতো যাতায়ত কৰিব পৰা নাই ৰাইজে
পকী দলঙখনৰ দুয়োটা মূৰৰ পথৰ অংশ নিৰ্মাণ নকৰাৰ বাবে দলঙখনেৰে যাতায়াত কৰিবলৈ সক্ষম হোৱা নাই গাঁৱকেইখনৰ লোক । দলং নিৰ্মাণ কৰা ঠিকাদাৰ আৰু বিভাগীয় কৰ্তৃপক্ষক দলঙৰ দুয়ো মূৰৰ অংশ নিৰ্মাণ কৰাৰ বাবে স্থানীয় ৰাইজে বাৰম্বাৰ অনুৰোধ কৰাৰ পিছতো কোনো গুৰুত্ব নিদিয়াৰ অভিযোগ উত্থাপন হৈছে । এইলৈ এতিয়া ক্ষুব্ধ হৈ পৰিছে অঞ্চলবাসী ।