বকোৰ জৱেপাৰাত জোঁৱায়েকৰ হাতত প্ৰাণ হেৰুৱালে শাহুৱেকে

পাৰিবাৰিক কন্দলৰ ভয়ংকৰ পৰিণতিত বকোৰ জৱেপাৰাত জোঁৱায়েকৰ হাতত প্ৰাণ হেৰুৱালে শাহুৱেকে ৷ জোঁৱায়েক গনেশ ৰাভাই শাহুৱেক সাবিত্ৰী বড়োক হত্যা কৰাৰ অভিযোগ ৷ ঘটনাস্থলীত বকো আৰক্ষী উপস্থিত হৈ তদন্ত অব্যাহত ৰখাৰ লগতে জোঁৱায়েক গনেশ ৰাভাক গ্ৰেপ্তাৰ কৰিছে ৷

বকো,27 মে': বকোৰ জৱেপাৰাত সংঘটিত হৈছে এক চাঞ্চল্যকৰ হত্যাকাণ্ড ৷ বুধবাৰে নিশা ঘৰ জোঁৱায়েকৰ হাতত প্ৰাণ হেৰুৱালে শাহুৱেকে ৷ পাৰিবাৰিক কন্দলৰ ভয়ংকৰ পৰিণতিত জোঁৱায়েক গনেশ ৰাভাই শাহুৱেক সাবিত্ৰী বড়োক হত্যা কৰাৰ অভিযোগ উত্থাপন হৈছে ৷

দীৰ্ঘদিনৰ পৰা প্ৰায়ে পৰিয়ালটোৰ লোকৰ মাজত কাজিয়া সংঘটিত হৈ আহিছিল যদিও বুধবাৰে কাজিয়াই চৰম পৰ্যায় পায় ৷ অধিক মদ্যপান কৰি জোঁৱাৱেক গণেশ ৰাভাই জেওৰা খুটিৰে উপৰ্যুপৰি প্ৰহাৰ কৰি শাহুৱেক সাবিত্ৰী বড়োক হত্যা কৰাৰ অভিযোগ উত্থাপন কৰিছে স্থানীয় ৰাইজে ৷

উল্লেখ্য যে, ৰংজুলিৰ ধনুভাঙাৰ গণেশ ৰাভাই সাবিত্ৰী বড়োৰ সৰু জীয়াৰীক বিয়া কৰাই ঘৰ জোঁৱাই হিচাপে আছিল ৷ নিশা সংঘটিত কৰা এই হত্য়াকাণ্ডক পৰিয়ালৰ লোকে গাপ দিয়াৰ চেষ্টা কৰিছিল যদিও স্থানীয় লোকৰ সহযোগত আৰক্ষীয়ে সমগ্ৰ ঘটনা পোহৰলৈ আনে ৷ ঘটনাস্থলীত বকো আৰক্ষী উপস্থিত হৈ তদন্ত অব্যাহত ৰখাৰ লগতে জোঁৱায়েক গনেশ ৰাভাক গ্ৰেপ্তাৰ কৰি তদন্ত অব্যাহত ৰাখিছে ৷

লগতে পঢ়ক:সৰভোগত দুস্প্ৰাপ্য কাছসহ এজনক গ্ৰেপ্তাৰ