গড়চুক পামহি বজাৰত বৃহৎ পৰিমানৰ ধনৰ লেন দেনৰ অভিযোগ

ধনৰ লেনদেনৰ এটা অডিঅ' ৰেকৰ্ডিঙে এতিয়া ভিতৰে বাহিৰে খলকনি তুলিছে গুৱাহাটী মহকুমা বজাৰ সমিতিৰ ৷ ৰেকৰ্ডিং মতে,গুৱাহাটী মহকুমা বজাৰ সমিতিৰ অন্তৰ্গত গড়চুক পামহি বজাৰত ব্যৱসায়ীক স্থান দিয়াৰ নামত তত্বাৱধায়ক ধৰণীধৰ দাসে ফৰীয়া সন্থাৰ সভাপতি আজগৰ আলীৰ পৰা ললে 15 লাখ টকা ৷

কামৰূপ, 15 ছেপ্তেম্বৰ: ধনৰ লেনদেনৰ এটা অডিঅ' ৰেকৰ্ডিঙে এতিয়া ভিতৰে বাহিৰে খলকনি তুলিছে গুৱাহাটী মহকুমা বজাৰ সমিতিৰ ৷ উক্ত অডিঅ' ৰেকৰ্ডিং অনুসৰি 15 লাখ টকাৰ বিনিময়ত গড়চুক পামহি বজাৰত ব্যৱসায়ীক স্থান দিয়াৰ নামত চলিছে ধনৰ লেন দেন ৷ ৰেকৰ্ডিং মতে,গুৱাহাটী মহকুমা বজাৰ সমিতিৰ অন্তৰ্গত গড়চুক পামহি বজাৰত ব্যৱসায়ীক স্থান দিয়াৰ নামত তত্বাবধায়ক ধৰণীধৰ দাসে ফৰীয়া সন্থাৰ সভাপতি আজগৰ আলীৰ পৰা ললে 15 লাখ টকা ৷ পামহি বজাৰত উঠি ৰজা-বহি ৰজা হৈ পৰা তত্বাৱধায়ক ধৰণীধৰ দাসে ধন লোৱাৰ অডিঅ' ৰেকৰ্ডিং ভাইৰেল হোৱাৰ পিছতে এতিয়া বজাৰ সমিতিৰ ভিতৰে বাহিৰে তোলপাৰ লাগিছে ৷

উল্লেখনীয় যে,এই অডিঅ' ৰেকৰ্ডিং ভাইৰেল হোৱাৰ পিছতে পামহি বজাৰত যে চিণ্ডিকেট ৰাজ চলি আছে সেয়া স্পষ্ট হৈ পৰিছে । শূণ্য সহনশীলতাৰ কথা কোৱা সৰ্বানন্দ সোণোৱাল নেতৃত্বাধীন বিজেপি চৰকাৰখনে এই সন্দৰ্ভত এতিয়া কি ব্যৱস্থা গ্ৰহণ কৰে সেয়া হ'ব লক্ষণীয় ৷

লগতে পঢ়কঃ নগাঁৱত ৰহস্যজনকভাৱে মৃত্যু গুৱাহাটীৰ মহিলাৰ