দক্ষিণ কামৰূপৰ আদৰ্শ ভোটকেন্দ্ৰত সকলো পৰিচালিত কৰিছে মহিলাই

দক্ষিণ কামৰূপৰ এটা আদৰ্শ ভোটকেন্দ্ৰ। সকলো পৰিচালিত কৰিছে মহিলাই। প্ৰথম বাৰৰ বাবে প্ৰিজাইডিং, পলিং অফিচাৰৰ পৰা আৰক্ষীলৈ সকলোতে নিয়োজিত হৈছে মহিলা ৷

গুৱাহাটী,23 এপ্ৰিলঃ কামৰূপ গ্ৰাম্যৰ পলাশবাৰী সমষ্টিৰ এটা আদৰ্শ ভোটগ্ৰহণ কেন্দ্ৰত এইবাৰ পোন প্ৰথম বাৰৰ বাবে চাৰিটা শাখা পৰিচালনা কৰিছে মহিলাই । প্ৰিজাইডিং, পলিং অফিচাৰৰ পৰা আৰক্ষীলৈ সকলোতে মহিলা নিয়োজিত হোৱা বাবে মিৰ্জা ছোৱালী হাইস্কুলৰ এই কেন্দ্ৰটো আদৰ্শ ভোট কেন্দ্ৰ হিচাপে ঘোষণা কৰিছে কামৰূপ জিলা প্ৰশাসনে। ইপিনে মিৰ্জা ছোৱালী হাইস্কুলৰ এই মহিলাৰ দ্বাৰা পৰিচালিত ভোটকেন্দ্ৰত ভোটদান কৰি উৎফুল্লিত স্থানীয় লোক। মিৰ্জাৰ এই আদৰ্শ ভোট গ্ৰহণ কেন্দ্ৰটোত নিজৰ ভোটাধিকাৰ সাব্যস্ত কৰিবলৈ ওলাই আহিল বিশেষভাৱে সক্ষম লোকসকলো। এই কেন্দ্ৰটোত উপস্থিত হৈ ৰাইজৰ সুবিধাৰ্থে বিভিন্ন ধৰণৰ ব্যৱস্থা গ্ৰহণ কৰা হৈছে বুলি মন্তব্য কৰে জিলা উপায়ুক্ত কমল কুমাৰ বৈশ্যই ।