অন্ধকাৰৰ সুযোগ গ্ৰহণ দুৰ্বৃত্তৰ: কাটি তহিলং কৰিলে গছ

ৰঙিয়াৰ খন্দিকৰ গাঁৱত নিশা অন্ধকাৰৰ সুযোগ লৈ দুৰ্বৃত্তই গছ কাটি তহিলং কৰে ৷

ৰঙিয়া,25 মে’:ৰঙিয়াৰ খন্দিকৰত দুৰ্বৃত্তৰ তাণ্ডৱ । খন্দিকৰ গাঁৱত এগৰাকী শিক্ষকে আঢ়ৈ বিঘা মাটিত তামোল, কল, ভিন্ন সোৱাদৰ টেঙাকে ধৰি বহু ঔষধিযুক্ত গছপুলি ৰোপণ কৰিছিল । কিন্তু নিশাৰ অন্ধকাৰৰ সুযোগ লৈ কোনো দুৰ্বৃত্তই এফালৰ পৰা গছসমূহ কাটি তহিলং কৰে । এই ঘটনাই সমগ্ৰ খন্দিকৰ অঞ্চলত চাঞ্চল্যৰ সৃষ্টি কৰিছে ।

ঘটনা সন্দৰ্ভত ভূক্তভোগী পৰিয়ালটোৱে আৰক্ষীৰ কাষ চাপে আৰু কাউৰবাহা থানাত এখন এজাহাৰ দাখিল কৰে । কিন্তু কোনে কি কাৰণত এনেদৰে গছ-গছনিসমূহ কাটি তহিলং কৰিলে সেয়া ৰহস্যৰ আৱৰ্তত ৷ আৰক্ষীয়ে এই সন্দৰ্ভত তদন্ত অব্যাহত ৰাখিছে ৷

লগতে পঢ়ক: চাপৰ আৰক্ষীৰ অভিযানত আটক ড্ৰাগছ ব্যৱসায়ী