বাইহাটা, 7 ছেপ্তেম্বৰ : পোষণ মাহ(POSHAN Maah) উপলক্ষে পৰিপুষ্টি সন্দৰ্ভত সজাগতা সৃষ্টিৰ বাবে সোমবাৰে আমিনগাঁৱত উপায়ুক্তৰ কাৰ্যালয়ত অনুষ্ঠিত এক সভাত ভাগ লয় ৰাজ্যৰ বিত্ত তথা সমাজ কল্যাণ বিভাগৰ(Social Welfare Department) মন্ত্ৰী অজন্তা নেওগে(Ajanta Neog) ৷
আমিনগাঁৱত পোষণ মাহৰ কাৰ্যসূচীত অংশগ্ৰহণ বিত্তমন্ত্ৰীৰ সভাত ভাগ লৈ শিশুৰ পুষ্টিহীনতা দূৰ কৰাৰ সংকল্প লৈ আকাশত এটি বৃহৎ বেলুন এৰি দিয়ে বিত্তমন্ত্ৰীগৰাকীয়ে ৷ পোষণ মাহৰ জিলা পৰ্যায়ৰ উদ্বোধনী অনুষ্ঠান মুকলি কৰি তেওঁ কয় যে, মাতৃ হৈছে ধৰিত্ৰী ৷ বিশেষভাৱে মহিলা শক্তিৰ ওপৰত ন্যস্ত সমাজ কল্যাণ বিভাগ পোষণ অভিযানৰ দৰে শক্তিশালী চৰকাৰী নীতিৰ আধাৰত গঢ়ি উঠিছে ।
লগতে পঢ়ক:নাহৰকটীয়াত ৩৫ বছৰেও সম্পূৰ্ণ নহ'ল ৩০ খন বিচনাযুক্ত চিকিৎসালয়
লগতে তেওঁ কয় যে, সুস্থ মানৱ সম্পদ গঢ়ি ৰাষ্ট্ৰ গঠন প্ৰক্ৰিয়াত অৰিহণা যোগাবলৈ নতুন দৃষ্টিভংগীৰে আগবাঢ়িব লাগিব ৷ বিত্তমন্ত্ৰী অজন্তা নেওগে অংশগ্ৰহণ কৰা জীৱনৰ মাধ্যমেৰে সুস্বাস্থ্যৰ অভিমুখী যাত্ৰাৰ একত্ৰীকৰণ লক্ষ্যভিত্তিক এই সভাখনৰ মূল উদ্দেশ্য আছিল ‘পুষ্টিহীনতামুক্ত অসমৰ দিশে এখোজ ’৷
আমিনগাঁৱত পোষণ মাহৰ কাৰ্যসূচীত অংশগ্ৰহণ বিত্তমন্ত্ৰীৰ সমাজ কল্যাণ বিভাগত শীঘ্ৰেই ঝাৰু লগাব লাগিব । এতিয়া আৰু পূৰ্বৰ দৰে নাথাকিব দুৰ্নীতি আৰু ভুৱা হিতাধিকাৰী । দুৰ্নীতিৰ বোকা আঁতৰাই ন-ৰূপত সমাজ কল্যাণ বিভাগ গঢ় দিয়া হ’ব বুলি উক্ত সভাৰ জৰিয়তে আশ্বাস দিয়ে বিত্তমন্ত্ৰীগৰাকীয়ে ৷
দেশৰ অন্য প্ৰান্তৰ লেখীয়াকৈ অসমতো ৰাষ্ট্ৰীয় পোষণ মাহ উপলক্ষে গ্ৰহণ কৰা হৈছে বিভিন্ন কাৰ্যসূচী । প্ৰতিখন জিলাতে সজাগতামূলক সভা আৰু সমদলৰ আয়োজন কৰা হৈছে । সুস্থ শৰীৰৰ অধিকাৰী হ'বলৈ পুষ্টিকৰ খাদ্যৰ প্ৰয়োজনীয়তা কিমান, সেই বিষয়ে পোহৰ মাহৰ সময়চোৱাত ৰাইজক সজাগ কৰাৰ প্ৰয়াস কৰিছে চৰকাৰে ।
আমিনগাঁৱত পোষণ মাহৰ কাৰ্যসূচীত অংশগ্ৰহণ বিত্তমন্ত্ৰীৰ দেশৰ বহু শিশু পুষ্টিহীনতাত ভোগা দেখা যায় । সুষম আহাৰৰ অভাৱত গৰ্ভৱতী মহিলাসকল ৰুগীয়া হৈ পৰে । এনে মহিলাই জন্ম দিয়া শিশুসকলো পুষ্টিহীনতাত ভোগে । সেয়েহে পুষ্টিকৰ খাদ্যৰ প্ৰয়োজনীয়তা সন্দৰ্ভত সজাগতা সৃষ্টিৰ উদ্দেশ্যে 1 ছেপ্তেম্বৰৰ পৰা দেশজুৰি পালন কৰা হৈছে ৰাষ্ট্ৰীয় পোষণ মাহ ।
লগতে পঢ়ক:কাগজ কলৰ কৰ্মচাৰী পৰিষদৰ সৈতে ৰাজ্য চৰকাৰৰ গুৰুত্বপূৰ্ণ বৈঠক
