ৰঙিয়াত অসম সংগ্ৰামী মঞ্চৰ ৰাজহুৱা সভা

ৰঙিয়াৰ কৃষক শ্বহীদ ভৱনত অসম সংগ্ৰামী মঞ্চৰ ৰাজহুৱা সভা ৷ উক্ত সভাত উপস্থিত থাকে মঞ্চৰ সভাপতি দিগন্ত কোঁৱৰ, সাংসদ অজিত কুমাৰ ভূঞা, নেত্ৰী মীৰা বৰঠাকুৰ আদি ৷

ৰঙিয়া,30 ডিচেম্বৰ:ৰঙিয়াৰ কৃষক শ্বহীদ ভৱনৰ বাকৰিত বুধবাৰে অসম সংগ্ৰামী মঞ্চৰ এখন ৰাজহুৱা সভা অনুষ্ঠিত হয় ৷ নৱগঠিত দলটোৰ নেতৃবৃন্দসকল সভাত অংশগ্ৰহণ কৰাৰ অৰ্থে বুধবাৰে উপস্থিত হয় ৰঙিয়াত ৷ অসম সংগ্ৰামী মঞ্চৰ সভাপতি দিগন্ত কোঁৱৰ, সাংসদ অজিত কুমাৰ ভূঞা, নেত্ৰী মীৰা বৰঠাকুৰৰ লগতে কেইবাজনো নেতা-কৰ্মীয়ে উক্ত সভাত অংশগ্ৰহণ কৰে ৷

অসম সংগ্ৰামী মঞ্চৰ ৰঙিয়া জিলা সমিতিৰ আহ্বানমৰ্মে অনুষ্ঠিত সভাখনত সাংসদ অজিত কুমাৰ ভূঞাই ৰাজ্যৰ বিৰোধী দল-সংগঠন একগোট নহ’লে বিজেপিক উৎখাত কৰিব পৰা নাযাব বুলি ব্যক্ত কৰে ৷ আনহাতে, এক বৃহৎ দল হিচাপে কংগ্ৰেছে যি ভূমিকা পালন কৰিব লাগিছিল সেয়া দেখা নগ’ল ৷ দলটোৰ কাম-কাজে সকলোকে হতাশ কৰিছে বুলিও ভূঞাই প্ৰকাশ কৰে ৷

দলটোৰ অন্যতম নেত্ৰী মীৰা বৰঠাকুৰে সংবাদ মাধ্যমৰ আগত কয় যে, ৰাইজৰ উন্নয়ন স্থবিৰ কৰি আত্মসাৎ কৰা ধনেৰে ডঃ হিমন্ত বিশ্ব শৰ্মাই চমক সৃষ্টি কৰিছে ৷ বুধবাৰে অনুষ্ঠিত উক্ত সভাত দলটোত যোগদান কৰে একাংশ লোকে ৷

লগতে চাওকঃঅৱশেষত বিধানসভাৰ মজিয়াত ক্ষমা খুজিলে ৰূপজ্যোতি কুৰ্মীয়ে