মে' দিৱস উপলক্ষে কামৰূপত স্বচ্ছ অভিযান

ৰাজ্যৰ বিভিন্ন প্ৰান্তৰ লগতে কামৰূপটো উদযাপন আন্তৰ্জাতিক শ্ৰমিক দিৱস। দক্ষিণ কামৰূপৰ শক্তি যোগান কেন্দ্ৰত কৰ্মচাৰী-বিষয়া সকলোৱে একেলগে মিলি গ্ৰহণ কৰে স্বচ্ছ অভিযান কাৰ্যসূচী ।

কামৰূপ,১মেঃ আজি মে' দিৱস। সমগ্ৰ বিশ্বৰ লগতে অসমতো পালন কৰা হৈছে আন্তঃৰাষ্ট্ৰীয় শ্ৰমিক দিৱস। শ্ৰমিক দিৱসৰ লগত সংগতি ৰাখি দক্ষিণ কামৰূপ গোসাইহাতস্থিত অসম তথা উত্তৰ-পূৰ্বাঞ্চলৰ শক্তি বিভাগৰ প্ৰথমটো সৰ্ববৃহৎ শক্তি যোগান কেন্দ্ৰত স্বচ্ছ অভিযান কাৰ্যসূচী গ্ৰহণ কৰে।

বন্ধৰ দিনটোত দলে বলে কাৰ্যালয়ৰ চৌহদটো চাফ-চিকুন কৰিবলৈ স্ব-ইচ্ছাই ওলাই আহে কৰ্মচাৰীৰ লগতে বিষয়াসকলো। লগতে প্লাষ্টিক বৰ্জন কৰি কলৰ পাততে প্ৰীতি ভোজৰো আমোদ ল'লে সকলোৱে।