ৰঙিয়া, 1 ডিচেম্বৰ : মঙলবাৰে ৰঙিয়াৰ তুলসীবাৰীত এপ'ল কৰ্মচাৰী সকলে ভাৰত-ভূটান আন্তঃৰাষ্ট্ৰীয় ঘাইপথ অৱৰোধ কৰে ৷ এপ'ল মিলৰ কৰ্মচাৰী সকলক ভিআৰএছ প্ৰদান কৰাৰ দাবীত এপ'ল প্ৰতিস্থানটোৰ কৰ্মচাৰী আৰু আছুৱে ভাৰত-ভূটান আন্তঃৰাষ্ট্ৰীয় ঘাইপথ অৱৰোধ কৰে । প্ৰতিবাদকাৰী সকলে হাতে হাতে বেনাৰ, প্লে'কাৰ্ড লৈ ৰঙিয়া সমষ্টিৰ বিধায়ক তথা মন্ত্ৰী ভৱেশ কলিতা মুৰ্দাবাদ, হিমন্ত বিশ্ব শৰ্মা হায় হায়, সৰ্বানন্দ সোণোৱাল হুচিয়াৰ আদি শ্ল'গান দি পৰিৱেশ উত্তাল কৰি তোলে ।
শীঘ্ৰে ভিআৰএছ প্ৰদান নকৰিলে সমূহীয়া আত্মজাহৰ হুংকাৰ কৰ্মচাৰীৰ
প্ৰতিবাদকাৰীৰ অভিযোগ অনুসৰি, চৰকাৰে চাৰি বছৰ ধৰি বন্ধ হৈ থকা এপ'ল মিল পুনৰ কাৰ্যক্ষম কৰাৰ বহুবাৰ প্ৰতিশ্ৰুতি দিয়াৰ পিচতো কোনো ধৰণৰ পদক্ষেপ গ্ৰহণ কৰা নায় ৷ যাৰ বাবে প্ৰতিবাদকাৰী সকলে শীঘ্ৰে ভিআৰএছ প্ৰদান নকৰিলে সমূহীয়া আত্মজাহৰ হুংকাৰ প্ৰদান কৰে ৷