কামৰূপ, 21 অক্টোবৰঃ সোমবাৰে আৰক্ষী স্মৃতি দিৱস উপলক্ষে তিনিচুকীয়াৰ বৰডুমছাত আলফাৰ গুলীত শ্বহীদ হোৱা ভাস্কৰ কলিতাৰ মহানগৰীৰ মাজিৰগাঁওস্থিত বাসগৃহত মহানগৰ আৰক্ষী উপায়ুক্ত দীপক কুমাৰ, পশ্চিম সংমণ্ডল আৰক্ষীৰ সহ আৰক্ষী অধীক্ষক প্ৰাঞ্জল বৰা, আজাৰা আৰক্ষী আৰু মাজিৰগাঁওৰ ৰাইজ উপস্থিত হৈ বীৰ শ্বহীদজনক শ্ৰদ্ধাঞ্জলি জ্ঞাপন কৰে । আৰক্ষী আয়ুক্তই শ্বহীদ ভাস্কৰ কলিতাৰ শোকসন্তপ্ত পৰিয়ালবৰ্গক সমবেদনা জ্ঞাপন কৰে ৷ অৱশ্যে লক্ষ্যণীয়ভাৱে শ্বহীদ আৰক্ষী বিষয়াজনৰ অসুস্থ পিতৃয়ে পৰিয়ালটোক চৰকাৰে কিবা ক্ষতিপূৰণ আদায় দিয়াৰ সন্দৰ্ভত কোনো বিশেষ প্ৰতিক্ৰিয়া প্ৰকাশ কৰা পৰিলক্ষিত নহ'ল ৷
আৰক্ষী স্মৃতি দিৱসত বীৰ শ্বহীদ ভাস্কৰ কলিতাক স্মৰণ