বকো, 4 আগষ্টঃগুৱাহাটী মহানগৰৰ পৰা কিছুদূৰ নিলগত অৱস্থিত এক সুন্দৰ মনমোহা স্থান হৈছে লাম্পী । সুন্দৰ প্ৰাকৃতিক পৰিৱেশ তথা জলবায়ুৰ আৰ্দ্ৰতাৰ বাবে লাম্পী এতিয়া হৈ পৰিছে পৰ্যটকৰ আকৰ্ষণৰ কেন্দ্ৰবিন্দু ৷ অসম মেঘালয় সীমান্তত অৱস্থিত বাবেই চৰকাৰৰ দৃষ্টিত এলাগী হৈ থকা প্ৰচুৰ সম্ভাৱনাপূৰ্ণ পৰ্যটনস্থলী লাম্পীত দেওবাৰে তথা 2 আগষ্টত হঠাতে উপস্থিত হয় খুমটাই সমষ্টিৰ বিধায়ক মৃনাল শইকীয়া । লাম্পী আৰক্ষী পহৰা চকীত গৈ বিধায়ক গৰাকীয়ে সীমান্তত হৈ থকা বিভিন্ন সমস্যাৰ বুজ লয় । ইয়াৰ উপৰিও পৰ্যটনৰ দিশত লাম্পীৰ সম্ভাৱনা সন্দৰ্ভত স্থানীয় ৰাইজৰ সৈতে মত বিনিময় কৰে । উল্লেখযোগ্য যে, চৰকাৰৰ নিৰ্লিপ্ততাৰ বাবে বহুক্ষেত্ৰত প্ৰাকৃতিক সৌন্দৰ্যৰে ভৰপূৰ চিৰসেউজ লাম্পী উন্নয়নৰ ক্ষেত্ৰত পিছপৰা যদিও ইতিমধ্যে বহু দেশী-বিদেশী পৰ্যটকে উপভোগ কৰি গৈছে লাম্পীৰ সৌন্দৰ্য।
বকোৰ লাম্পীত উপস্থিত খুমটাইৰ বিধায়ক মৃণাল শইকীয়া