বিয়া কৰাবলৈ গৈ হ'লগৈ ৰঙা ঘৰৰ আলহী

ছয়গাঁৱৰ গৰৈমাৰীত দৰাসহ বৰযাত্ৰীৰ এটা দলক কইনা পক্ষৰ লোকে উত্তম মধ্যম সোধাই চমজাই দিয়ে গৰৈমাৰী আৰক্ষী চকীত ৷

কামৰূপ,17 আগষ্টঃ শুকুৰবাৰে নিশা ছয়গাঁৱৰ গৰৈমাৰীত দৰাসহ বৰযাত্ৰীৰ এটা দলক কইনা পক্ষৰ লোকে উত্তম মধ্যম সোধাই গৰৈমাৰী আৰক্ষী চকীত চমজাই দিয়ে ৷ তথ্য অনুসৰি,বঙাইগাঁও ঢালিগাঁৱৰ চহিদুল ইছলাম নামৰ এজন ব্যক্তিয়ে মহিমাৰীৰ এগৰাকী যুৱতীক বিয়া কৰাবলৈ আহিছিল ৷ কিন্তু পূৰ্বে ক'ৰ্ট মেৰেজ কৰা পত্নী চহিদুল ইছলামৰ গৃহত উপস্থিত হোৱাৰ খবৰ কইনা পক্ষই গম পোৱাৰ লগে লগেই উত্তেজিত কইনা পক্ষৰ লোকে লপা থপা দিয়ে দৰা চহিদুলক ৷

পৰৱৰ্তী সময়ত ঘটনাস্থলীত গৰৈমাৰী আৰক্ষী উপস্থিত হৈ দৰা চহিদুল ইছলামসহ বৰযাত্ৰীৰ দলটোক গৰৈমাৰী আৰক্ষী চকীলৈ লৈ যায় ৷ আৰক্ষীয়ে ইতিমধ্যে প্ৰৱঞ্চক চহিদুল ইছলামক গ্ৰেপ্তাৰ কৰিছে ৷