নিৰ্মীয়মান কোম্পানীৰ চৌহদত আৱদ্ধ ৪খন গাঁৱৰ গৰু

দক্ষিণ কামৰূপৰ পলাশবাৰী আৰক্ষী থানাৰ অন্তৰ্গত হুদুপুৰত আবদ্ধ প্ৰায় ৪খন গাঁৱৰ গৰু । স্থানীয় লোকসকলে পথাৰত এৰি দিয়া সকলোবোৰ গৰু কোনো দুষ্ট চক্ৰই আৱদ্ধ কৰি ৰখিছিল সেই স্থানত ৷

কামৰূপ,30জুনঃ এডোখৰ ঠাইত আবদ্ধ হৈ আছে প্ৰায় ৪ খন গাঁৱৰ গৰু । ঠাইডোখৰ দক্ষিণ কামৰূপৰ পলাশবাৰী আৰক্ষী থানাৰ অন্তৰ্গত হুদুপুৰৰ ৷ পিচে ঠাইডোখৰ কোনো পাউণ্ড বা গৰু ৰখা ঠাই নহয় ৷ স্থানীয় লোকসকলে পথাৰত এৰি দিয়া গৰু কোনো চোৰ চক্ৰইহে আৱদ্ধ কৰি ৰাখিছে ঠাইডোখৰত । উল্লেখ্য যে হুদুমপুৰৰ আশীৰ্বাদ আটা কোম্পানীৰ সমীপৰ এটা চৌহদত আবদ্ধ কৰি থোৱা হৈছিল গৰু । স্থানীয় লোকে জনোৱা মতে সোমবাৰে ঘৰৰ পৰা আন দিনৰ দৰেই পুৱাৰ ভাগতে এৰি দিয়া গৰু ওভতি নাহিল । পাচত ৰাইজে বহু বিচাৰ-খোচাৰ কৰাৰ অন্তত ওলাই পৰিল বহুকেইটা গৰু নিৰ্মিয়মান কোম্পানীয়ে বেৰি লোৱা চৌহদৰ ভিতৰত ৷ ইপিনে চৌহদত থকা গৰুকেইটা চৌকীদাৰে তলা মাৰি থৈ দিছিল । স্থানীয়লোকৰ সন্দেহ, দক্ষিণ কামৰূপত বিভিন্ন ঠাইত সংঘটিত হৈ থকা গৰু চুৰিত জড়িত থকা একাংশ গৰু চোৰেই এই গৰুসমূহ আবদ্ধ কৰি থৈছিল । অৱশ্যে এতিয়া ঘটনাস্থলীত আৰক্ষী উপস্থিত হৈ তদন্ত অব্যাহত ৰাখিছে ৷