পলাশবাৰী,22 জানুৱাৰী : পলাশবাৰী আৰক্ষীৰ বৃহৎ সফলতা । কামৰূপ আৰক্ষীৰ জালত পৰিল ইৰাণী গ্ৰুপৰ 6 সদস্য ৷ দীৰ্ঘদিন ধৰি সমগ্ৰ অসমৰ লগতে দক্ষিণ কামৰূপৰ বিভিন্ন অঞ্চলত ত্ৰাসৰ সৃষ্টি কৰি আহিছিল ৷ কিন্তু দশা বেয়া আছিল ইৰাণী গ্ৰুপৰ সদস্য কেইটাৰ ৷ বৃহস্পতিবাৰে নিশা কামৰূপ জিলাৰ উপ আৰক্ষী অধীক্ষক কল্যান পাঠক আৰু পলাশবাৰী আৰক্ষীৰ ভাৰ প্ৰাপ্ত বিষয়া সত্যেন্দ্ৰ সিং হাজাৰী নেতৃত্বত তথা বাইহাটা আৰু চাংসাৰি আৰক্ষীৰ সহযোগত ৬ টা চিলনী চোৰক কৰায়ত্ত কৰিবলৈ সক্ষম হয় পলাশবাৰী আৰক্ষীয়ে ৷
দীৰ্ঘদিন ধৰি হিন্দী চিনেমাৰ দৰে চুৰি কাৰ্য সংঘটিত কৰি অহা এই চিলনী চোৰৰ দলটোক ধৰিবলৈ আৰক্ষীয়ে চেষ্টা চলাই আছিল । অনকি দক্ষিণ কামৰূপতে এই চিলনী চোৰৰ দলটোৱে বিভিন্ন ঠাইত টকাৰ বেগ,সোণৰ চেইন কাঢ়ি নিয়াৰ উপৰিও বিভিন্ন লোকক বান্দৰ কেকোৱা আৰু বিভিন্ন ৰাসায়নিক দ্ৰব্য চতিয়াই লুট চলাই আহিছিল ৷ অৱশেষত মোবাইল ট্ৰেকিংৰ জড়িয়তে যোৱা নিশা আৰক্ষীয়ে চাংসাৰিত কৰায়ত্ত কৰিবলৈ সক্ষম হয় এই চোৰ কেইটাক । প্ৰাপ্ত তথ্য অনুসৰি, আৰক্ষীৰ জালত পৰা এই ৬ জনীয়া দলটিৰ আটাইকেইজনে বিহাৰৰ বুলি জানিব পৰা গৈছে । চোৰ কেইজনৰ নাম ক্ৰমে আয়াণ সিং,আণীং সিং, সতিশ গোৱালা, ৰাহান ৰামান, সতিশ য়াদৱ ৷ চোৰৰ এই দলটিৰ পৰা ১২টা মোবাইল ফোন,৮ ডাল সোণৰ চেইন,নগদ প্ৰায় ৭০হেজাৰ টকা,চুৰিকাৰ্যত ব্যৱহাৰ হোৱা কাটাৰ মাষ্টাৰ কি,বান্দৰ কেকোৱা,জলকীয়াৰ গুৰি আদিৰ লগতে বিভিন্ন সা-সৰঞ্জাম জব্দ কৰিবলৈ সক্ষম হয় পলাশবাৰী আৰক্ষীয়ে ।