ৰঙিয়া,3 চেপ্তেম্বৰ:কামৰূপ(গ্ৰাম্য) জিলাৰ ৰঙিয়াস্থিত এপল মিল সুদীৰ্ঘ সময়ে বন্ধ হৈ পৰি আছে ৷ বিগত সময়ছোৱাত বহু কেইবাবাৰো এই মিল উজ্জীৱিত কৰাৰ দাবীত সাব্যস্ত কৰা হৈছিল প্ৰতিবাদ ৷ ৰাজ্য চৰকাৰে এইক্ষেত্ৰত সঠিক ব্যৱস্থা গ্ৰহণৰ আশ্বাস প্ৰদান কৰিছিল যদিও সেয়া কাৰ্যত পৰিণত নহ’ল ৷ সেয়ে পুনৰ এই মিল উজ্জীৱিত কৰাৰ দাবীত বৃহস্পতিবাৰে ৰঙিয়া-ভূটান সংযোগী আন্তঃৰাষ্ট্ৰীয় ঘাইপথটো অৱৰোধ কৰে এপল শ্ৰমিক সন্থাৰ লগতে বৈদ্যগড় আঞ্চলিক ছাত্ৰ সন্থাই ।
ৰঙিয়াত ঘাইপথ অৱৰোধ
উল্লেখ্য যে, প্ৰতিবাদকাৰীসকলে এসপ্তাহ পূৰ্বে গ্ৰহণ কৰা অৱৰোধ কাৰ্যসূচীত উপস্থিত হৈ জিলা উপায়ুক্তই এসপ্তাহৰ ভিতৰত কাৰ্যকৰী পদক্ষেপ গ্ৰহণ কৰাৰ প্ৰতিশ্ৰুতি প্ৰদান কৰিছিল । কিন্তু এসপ্তাহৰ পিছতো কোনো ফল লাভ নকৰাত পথটো অৱৰোধ কৰে শ্ৰমিকসকলে ।