সন্তানক কোলাত লৈ পিতৃ-মাতৃৰ চকুলোঃ সহায় বিচাৰি ৰাইজলৈ কাতৰ আহ্বান

কামৰূপ জিলা বংশৰৰ বৰবাৰীৰ এহাল পিতৃ-মাতৃৰ হাহাকাৰ ৷ তিনি বছৰীয়া পুত্ৰ সন্তানৰ দুৰাৰোগ্য ৰোগৰ চিকিৎসাৰ বাবে সহায় বিচাৰি ৰাইজলৈ কৰুণ আহ্বান পিতৃ-মাতৃৰ ৷

কামৰূপ, 23 নৱেম্বৰঃ তিনি বছৰীয়া পুত্ৰ সন্তানক লৈ কামৰূপ জিলা বংশৰৰ বৰবাৰীৰ এহাল পিতৃ-মাতৃৰ হাহাকাৰ ৷ কাৰণ তিনি বছৰীয়া পুত্ৰ সন্তানৰ দুৰাৰোগ্য ৰোগৰ চিকিৎসাৰ বাবে হাতত নাই ধন ৷

সমনীয়াৰ সৈতে উমলাৰ সময়তে মাৰাত্মক কৰ্কট ৰোগত আক্ৰান্ত এটি শিশু ৷ শিশুটিৰ নাম প্ৰিয়ম ডেকা ৷ ইতিমধ্যে শিশুটিৰ পিতৃ-মাতৃয়ে চিকিৎসাৰ নামত সকলো সা-সম্পত্তি বিক্ৰী কৰিছে ৷ কিন্তু সুস্থ হোৱা নাই শিশুটি ৷ শিশুটিক সুস্থ কৰিবলৈ এতিয়া প্ৰয়োজন হৈছে লাখ-লাখ টকা ৷ কোনোমতে দিন হাজিৰা কৰি চলি থকা পৰিয়ালটোৱে ৰাইজ তথা চৰকাৰলৈ শিশুটিৰ চিকিৎসা ক্ষেত্ৰত সহায়ৰ হাত আগবঢ়াবলৈ কাতৰ আহ্বান জনাইছে ৷ সংবাদ মাধ্যম যোগে স্বাস্থ্য মন্ত্ৰী হিমন্ত বিশ্ব শৰ্মালৈও চিকিৎসাৰ বাবে কৰুণ আহ্বান জনাইছে দুৰ্ভগীয়া পিতৃ-মাতৃয়ে ৷ যদি কোনো সদাশয় লোকে পৰিয়ালটোক সহায় কৰিব বিচাৰে তেন্তে - 3423370653 নম্বৰৰ চেণ্ট্ৰেল বেংক,গুৱাহাটী আমবাৰী শাখাত পিতৃৰ নামত থকা একাউন্টত জমা দিব পাৰিব বুলি জনাইছে ৷