গুৱাহাটী, 29 জুন: ৰাজ্যত অব্যাহত থকা ক'ভিডৰ ভয়াৱহ পৰিস্থিতিৰ মাজতে ভয়াৱহ ভাৱে বৃদ্ধি পাইছে বিভিন্ন অপৰাধীজনিত ঘটনা ৷ ক'ভিড সংক্ৰমণ ৰোধ কৰাৰ উদ্দেশ্যে ৰাজ্য চৰকাৰে জাৰি কঠোৰ নীতি তথা লক ডাউনৰ সুযোগ গ্ৰহণ কৰি বিভিন্ন ধৰণৰ দুস্কাৰ্য সংঘটিত কৰিছে একাংশ দুষ্ট লোকে ৷ ইয়াৰ মাজতে ৰাজ্যত ভয়াৱহ ভাৱে বৃদ্ধি পাইছে যৌন নিৰ্যাতন তথা ধৰ্ষণৰ ঘটনা ৷ দেওবাৰে নিশা গুৱাহাটীৰ সাতগাঁৱতো সংঘটিত হৈছে এনে এক জঘন্য ঘটনা ৷
প্ৰাপ্ত তথ্য অনুসৰি, দেওবাৰে নিশা প্ৰায় 12 বজাত সংঘটিত হয় এই জঘন্য ঘটনা ৷ প্ৰস্বাৱগাৰৰ পৰা এগৰাকী 16 বছৰীয়া কিশোৰীক মুখত সোপা দি নিজৰ ঘৰলৈ নি এই দুস্কাৰ্য সংঘটিত কৰে এজন স্থানীয় যুৱকে ৷ এই ঘটনা সংঘটিত হৈছে গুৱাহাটীৰ সাতগাঁৱৰ মিলিজুলি পথত৷ ঘটনা সংঘটিত কৰা যুৱক জনৰ নাম আমিনুল হক বুলি প্ৰকাশ কৰিছে যুৱতী গৰাকীৰ পৰিয়ালৰ লোকে ৷
ৰাজ্যত পুনৰ কিশোৰীক ধৰ্ষণৰ জঘণ্য ঘটনা