মৃত বিজেপি সমৰ্থকৰ ঘৰত হিমন্ত বিশ্ব শৰ্মা

নিৰ্বাচনী সভাত অসুস্থ হৈ মৃত্যু হোৱা ফণীধৰ দাসৰ ঘৰত উপস্থিত মন্ত্ৰী ড0 হিমন্ত বিশ্ব শৰ্মা, হাজোৰ বিধায়িকা সুমন হৰিপ্ৰিয়া আৰু ডিব্ৰুগড়ৰ সাংসদ ৰামেশ্বৰ তেলী । ফণীধৰ দাসৰ মাতৃৰ লগতে পৰিয়াল বৰ্গক সমবেদনা জনায় মন্ত্ৰী  হিমন্ত বিশ্ব শৰ্মাই৷

ৰঙিয়া, 20 এপ্ৰিলঃ হাজোত বিজেপিৰ নিৰ্বাচনী প্ৰচাৰ সভাত অংশ ল'বলৈ গৈ মৃত্যুমখত পৰা বালিসত্ৰৰ নিবাসী ফণীধৰ দাসৰ ঘৰত শনিবাৰে উপস্থিত হ'ল মন্ত্ৰী ড0 হিমন্ত বিশ্ব শৰ্মা । পুৱা ১০.৪০ বজাত লোকপ্ৰিয় গোপীনাথ বৰদলৈ সংঘৰ বাকৰিত অস্থায়ী ভাৱে নিৰ্মিত হেলিপেডত অৱতৰণ কৰি দাসৰ বাসগৃহ অভিমুখে ৰাওনা হয় মন্ত্ৰীগৰাকী ।

তেওঁক সংগ দিয়ে হাজোৰ বিধায়িকা সুমন হৰিপ্ৰিয়া আৰু ডিব্ৰুগড়ৰ সাংসদ ৰামেশ্বৰ তেলীয়ে । ফণীধৰ দাসৰ মাতৃৰ লগতে পৰিয়াল বৰ্গক সমবেদনা জনায় মন্ত্ৰীগৰাকীয়ে ।