সোণাপুৰ,7 আগষ্টঃমঙলবাৰে নিশা প্ৰচণ্ড ধুমুহা-বৰষুণে ব্যাপক ক্ষতি-সাধন কৰে মহানগৰীৰ সমীপৱৰ্তী সোণাপুৰৰ ভিন্ন অঞ্চল ৷ মাজনিশা অহা বা-মাৰলিয়ে সোণাপুৰ থানাৰ অন্তৰ্গত হহৰা গাঁও পঞ্চায়ত এলেকাত ব্যাপক তাণ্ডৱ চলায় ৷ ধুমুহাত ঘৰৰ টিনপাত উৰুৱাই নিয়াৰ লগতে বহু বাসগৃহ ভাঙি পেলায় ৷
হহৰা গাঁও পঞ্চায়তৰ অন্তৰ্গত গুমূৰীয়া,কমাৰকুছি,কলংপাৰ,বৰগুগ,বেগিৱাৰী আদি বহু কেইখন গাঁৱত ধুমুহাৰ ফলত গছ-গছনি ভাঙি বিস্তৰ ক্ষতি হোৱাৰ লগতে কম-বেছি পৰিমাণে 10 জনকৈ লোক আহত হয়। আহত সকলক সোণাপুৰৰ অসামৰিক চিকিৎসালয়ত ভৰ্তি কৰোৱা হয়।মাজনিশাৰ ধুমুহাত সমতা অঞ্চলৰ পৰা পবিত্ৰলৈ যোৱা পথচোৱাত বৃহৎ বৃহৎ গছ-গছনি ভাঙি যাতায়ত বন্ধ হৈ পৰে। লগতে বিদ্যুৎ ব্যৱস্থাও সম্পূৰ্ণৰূপে ব্যহত হৈ পৰে। ইতিমধ্যে ঘটনাস্থলীত বন বিভাগ উপস্থিত হৈ বন্ধ হৈ পৰা পথছোৱা সুচল কৰিবলৈ কাম অব্যাহত ৰাখিছে।
