হাজোত নাওখেলৰ নাজতে প্ৰচণ্ড মাৰপিট

শনিযাদি চৰাবড়ী প্ৰাথমিক বিদ্যালয়ৰ সন্মুখত বুল্লুট বৰলিয়া নদীত অনুষ্ঠিত হৈছিল নাওখেল প্ৰতিযোগিতা ৷ কিন্তু খেলৰ চেমি ফাইনেলৰ ঘোষণাৰ পিছতে একাংশ অনুৰাগীয়ে খেল পৰিচালনা সমিতিৰ সিদ্ধান্তত অসন্তুষ্ট হৈ কমিটিৰ মঞ্চ লণ্ড ভণ্ড কৰাৰ লগতে প্ৰহাৰ কৰে সমিতিৰ কেবাজনো লোকক ৷

হাজো,21 অক্টোবৰঃ হাজোৰ খোপনীকুছি জানৰপাৰত অনুষ্ঠিত নাওখেলত সংঘটিত হৈছে প্ৰচণ্ড মাৰপিটৰ ঘটনা ৷ শনিযাদি চৰাবড়ী প্ৰাথমিক বিদ্যালয়ৰ সন্মুখত বুল্লুট বৰলিয়া নদীত অনুষ্ঠিত হৈছিল নাওখেল প্ৰতিযোগিতাখন ৷ কিন্তু হঠাতে খেলখনৰ মাজতে সংঘটিত হয় এক অপ্ৰীতিকৰ ঘটনা ৷ খেলৰ চেমি ফাইনেলৰ ঘোষণাৰ পিছতে একাংশ অনুৰাগীযে খেল পৰিচালনা সমিতিৰ সিদ্ধান্তত অসন্তুষ্ট হৈ কমিটিৰ মঞ্চ লণ্ড ভণ্ড কৰাৰ লগতে প্ৰহাৰ কৰে সমিতিৰ কেবাজনো লোকক ৷

একাংশ লোকৰ সহযোগত পৰিস্থিতি নিযন্ত্ৰণ কৰিবলৈ সক্ষম হয় ৷ লগতে আহত লোককেইজনক ততাতৈয়াকৈ জি এম চি এইচত চিকিৎসাৰ বাবে প্ৰেৰণ কৰা হয় ৷ উল্লেখ্য যে, চেমি ফাইনেলৰ খেলখন অনুষ্ঠিত হৈছিল দ্বীনদয়াল আৰু ৰাইজৰ আৰ্শীবাদ নামৰ নাও দুখনৰ মাজত ৷