ৰঙিয়াত হৰেশ্বৰ বৰ্মনে অব্যাহত ৰাখিছে নিৰ্বাচনী প্ৰচাৰ

শনিবাৰে ৰঙিয়াত ৰাইজৰ দলে উলিয়াই এক বৃহৎ ৰেলী । কেইবা শতাধিক বাইক আৰু বাহনেৰে উলিওৱা হয় এই ৰেলী ৷ ৰাইজৰ দলৰ ৰঙিয়াৰ প্ৰাৰ্থী হৰেশ্বৰ বৰ্মনে এই ৰেলীত অংশগ্ৰহণ কৰি প্ৰায় তিনি কিল’মিটাৰ পথ পৰিভ্ৰমণ কৰে ।

ৰঙিয়া,27 মাৰ্চ: দ্বিতীয় পৰ্যায়ৰ ভোটদানৰ দিন চমু চাপি অহাৰ লগে লগে ৰঙিয়াত প্ৰতিটো দলেই নিৰ্বাচনী প্ৰচাৰ অব্যাহত ৰাখিছে । শনিবাৰে ৰঙিয়াত ৰাইজৰ দলে উলিয়াই এক বৃহৎ ৰেলী । কেইবা শতাধিক বাইক আৰু বাহনেৰে উলিওৱা হয় এই ৰেলী ৷

ৰাইজৰ দলৰ ৰঙিয়াৰ প্ৰাৰ্থী হৰেশ্বৰ বৰ্মনে এই ৰেলীত অংশগ্ৰহণ কৰি প্ৰায় তিনি কিল’মিটাৰ পথ পৰিভ্ৰমণ কৰে । ৰেলীৰ জৰিয়তে নিৰ্বাচনী প্ৰচাৰ কালত মিত্ৰজোঁটৰ ৰঙিয়াৰ প্ৰাৰ্থী ভৱেশ কলিতাক কটাক্ষ কৰি ঘৰৰ ল’ৰা ঘৰলৈ ওভতি যাব লাগিব বুলি মন্তব্য কৰে হৰেশ্বৰ বৰ্মনে ।

"ৰাইজে স্বতঃস্ফূৰ্তভাৱে ৰাইজৰ দললৈ সমৰ্থন আগবঢ়াইছে ৷ ২০২১ চনৰ নিৰ্বাচনত অসমত এক ঐতিহাসিক ঘটনা সংঘটিত হ’বলৈ গৈ আছে" বুলি হৰেশ্বৰ বৰ্মনে কয় ৷ উল্লেখ্য যে, ৰেলীৰ জৰিয়তে গাঁৱে-ভূঞে প্ৰচাৰ চলোৱাৰ লগতে অখিল গগৈৰ মুক্তি দাবী কৰে ৰাইজৰ দলে ।

লগতে পঢ়ক: মিত্ৰজোঁটৰ প্ৰাৰ্থী ডাঃ ৰণোজ পেগুৰ ভোটদান