দুধনৈ, 2 এপ্ৰিল:প্ৰধানমন্ত্ৰীকে ধৰি বিজেপি দলৰ সকলোৱেই অশিক্ষিত বুলি মন্তব্য বিপিএফ প্ৰধান হাগ্ৰামা মহিলাৰীৰ ৷ দুধনৈ সমষ্টিত এখন প্ৰচাৰ সভাত অংশ লৈ মহিলাৰীয়ে এই মন্তব্য কৰে ৷ মন্ত্ৰী ড৹ হিমন্ত বিশ্ব শৰ্মাই ৰাজনীতিত শিক্ষিত মানুহৰ প্ৰয়োজন নাই বুলি কৰা এক মন্তব্যৰ প্ৰতি প্ৰতিক্ৰিয়া প্ৰকাশ কৰি মহিলাৰীয়ে এই মন্তব্য প্ৰদান কৰে ৷
প্ৰধানমন্ত্ৰীৰ পৰা আৰম্ভ কৰি বিজেপিৰ সকলো অশিক্ষিত: হাগ্ৰামা মহিলাৰী
6 এপ্ৰিলত অনুষ্ঠিত হ'ব লগীয়া অসম বিধানসভা নিৰ্বাচনৰ তৃতীয় তথা অন্তিম পৰ্যায়ৰ ভোটগ্ৰহণৰ বাবে তুংগত উঠিছে প্ৰত্যেক ৰাজনৈতিক প্ৰচাৰ ৷ 36 নং দুধনৈ বিধানসভা সমষ্টিটো তৃতীয় পৰ্যায়ৰ নিৰ্বাচনৰ বাবে সকলো ৰাজনৈতিক দলৰ লগতে নিৰ্দলীয় প্ৰাৰ্থীৰ প্ৰচাৰ তুংগত উঠিছে ৷ এই ক্ষেত্ৰত পিছ পৰি ৰোৱা নাই দুধনৈ সমষ্টিৰ কংগ্ৰেছ দলৰ প্ৰাৰ্থী যাদৱ স্বৰ্গীয়াৰী ৷