মহানগৰীৰ ৰাণী চাপৰিত প্ৰায় ১৫ টা বলধ গৰু চুৰি

মহানগৰীৰ ৰাণী চাপৰিৰ পৰা গৰু চোৰাং ব্যৱসায়ীয়ে চুৰি কৰিলে প্ৰায় ১৫ টা বলধ গৰু

কামৰূপ,21 চেপ্তেম্বৰ : মহানগৰীৰ ৰাণী চাপৰিৰ পৰা শুকুৰাবৰে গৰু চোৰাং ব্যৱসায়ীয়ে কৃষক এজনৰ ঘৰৰ পৰা চুৰি কৰিলে প্ৰায় ১৫ টা বলধ গৰু ৷ বৰ্তমান মৰ্মাহত হৈ পৰিছে ভুক্তভোগী কৃষক পৰিয়ালটো ৷ ভুক্তভোগী কৃষকজনে শুৱালকুচি নদী আৰক্ষীক এজাহাৰ দাখিল কৰি এই চুৰি কাৰ্য্যৰ তদন্ত কৰিবলৈ অনুৰোধ জনাই যদিও নদী আৰক্ষীৰ পৰা কোনো সঁহাৰি নাপালে ৷ তদুপৰি শুৱালকুচি নদী আৰক্ষীয়ে কৃষকজনক জনাই তহলদাৰীৰ বাবে দুমাহ ধৰি নাই নদী আৰক্ষীৰ নাও বা ফেৰী ৷

উল্লেখযোগ্য যে দুমাহ পূৰ্বেও ৰাণী চাপৰিৰ পৰা চুৰি হৈছিল প্ৰায় বহু কেইটা বলধ গৰু ।নদী আৰক্ষীৰ এই আচৰণত বৰ্তমান ক্ষোভিত হৈ পৰিছে ৰাণীগঞ্জ অঞ্চলৰ কৃষকসকল । নদী আৰক্ষীয়ে নিয়মীয়া তদলদাৰী নকৰিলে ৰাণী চাপৰিত আকৌ চুৰি হ'ব গৰু । সেয়েহে স্থানীয় ৰাইজ তথা কৃষকে ভট্টাপাৰা , পূব মাজিৰগাঁও, কেন্দুকুচি ৰাণী চাপৰিত চকু দিয়াৰ বাবে নদী আৰক্ষীৰ চকী স্থাপন কৰাৰ বাবে দাবী জনাই চৰকাৰক তথা পশ্চিম গুৱাহাটী সমষ্টিৰ স্থানীয় বিধায়ক ৰমেন্দ্ৰ নাৰায়ণ কলিতাক ।