নিশা উত্তপ্ত মহানগৰীৰ ছয়মাইল ! আহত দুজন

পথ এৰি নিদিয়াক লৈ মহানগৰীত সৃষ্টি হোৱা ঘটনাত গুৰুতৰ ভাৱে আহত দুজন যুৱক ৷ চোকা অস্ত্ৰৰে প্ৰহাৰ কৰা 5 জনক আটক ৷

গুৱাহাটী, 27 জুলাইঃ শুকুৰবাৰে পুৱতি নিশা প্ৰায় 3 বজাত গুৱাহাটী মহানগৰীৰ ছয় মাইলত পথ এৰি নিদিয়াক লৈ সৃষ্টি হোৱা মাৰ-পিটৰ ঘটনাত গুৰুতৰ ভাৱে আহত হয় দুজন যুৱক৷ প্ৰাপ্ত তথ্য অনুসৰি, এখন Swift Dzire ত অহা 7 জন যুৱকৰ এটা দল আৰু এখন Ford Figo ত অহা দুজন যুৱকৰ মাজত সংঘটিত হয় এই ঘটনা৷ গণেশগুৰিৰ দিশৰ পৰা ছয় মাইললৈ অহা 7 জনিয়া দলটোক যুৱক দুজনে পথ এৰি দিবলৈ হৰণ বজাইছিল, কিন্তু Swift Dzire খনে পথ এৰি নিদিয়াত গালি-গালাজ কৰিবলৈ আৰম্ভ কৰে দুই যুৱকে আৰু তাকে লৈ দুই গোটৰ মাজত সৃষ্টি হয় তুমূল বাক বিতণ্ডাৰ৷ তাৰ পাছজেই 7 জনীয়া দলটোৱে চোকা আস্ত্ৰৰে যুৱক দুজনক আক্ৰমন কৰাত পৰিস্থিতি অত্যন্ত গুৰুতৰ হৈ পৰে৷ আহত যুৱক দুজনক কৃষ্ণ শৰ্মা আৰু মহিবোল ইছলাম বুলি জানিব পৰা গৈছে৷ বৰ্তমানলৈকে আৰক্ষীয়ে ঘটনাটোৰ লগত জড়িত ঋষিৰাজ চেতিয়া, দীপক সিং , অবিশেক নায়ক , ৰাহুল দিকজ আৰু বিশাল মুখাৰ্জী নামৰ 5 জন যুৱকক আটক কৰিছে৷ উল্লেখযোগ্য যে, আটকাধীন আটাইকেইজন যুৱক আৰভেল ট্ৰেভেলছ প্ৰাইভেট লিমিটেডৰ কৰ্মচাৰী৷