সোণাপুৰত গেছ ভৰ্তি টেংকাৰ দুৰ্ঘটনাগ্ৰস্ত

সোণাপুৰ আৰক্ষী থানাৰ অন্তৰ্গত পথাৰকুচিত 37 নং ৰাষ্ট্ৰীয় ঘাইপথত দুৰ্ঘটনাত পতিত হয় এখন গেছ ভৰ্তি টেংকাৰ ৷ দুৰ্ঘটনাটোত আহত হয় টেংকাৰখনৰ চালকজন ৷

সোণাপুৰ, 2 ডিচেম্বৰঃ সোণাপুৰত গেছভৰ্তি টেংকাৰ দুৰ্ঘটনাগ্ৰস্ত ৷ সোণাপুৰ আৰক্ষী থানাৰ অন্তৰ্গত পথাৰকুচিত 37 নং ৰাষ্ট্ৰীয় ঘাইপথত সংঘটিত হয় দুৰ্ঘটনাটো ৷ দেওবাৰে মাজনিশা পশ্চিমবংগৰ কলকাতাৰ পৰা তিনিচুকীয়া অভিমুখে গৈ আছিল NL-01Q-1353নম্বৰৰ 14 চকীয়া বাহনখন ৷ দুৰ্ঘটনাটোত আহত হয় টেংকাৰখনৰ চালকজন ৷ এই ঘটনাৰ পিচতে ঘটনাস্থলীত উপস্থিত হয় সোণাপুৰ যান-বাহন আৰক্ষীৰ লগতে অগ্নিনিৰ্বাপক বাহিনীৰ এটা দল ৷ গুৱাহাটীৰ আই ও চিৰ এটা দলো দুর্ঘটনাস্থলীত উপস্থিত হৈ দুৰ্ঘটনাগ্ৰস্ত টেংকাৰখন ৰাষ্ট্ৰীয় ঘাই পথৰ পৰা সুৰক্ষিতভাৱে ক্ৰেনৰ জৰিয়তে উঠোৱা হয় ৷

লগতে পঢ়ক- বিল ক্লিনটনৰ ব্ৰডৱে শ্ব'ত অংশগ্ৰহণ