দক্ষিণ কামৰূপ,14জুলাইঃ দেশজুৰি কৰ'ণা মহামাৰিয়ে ভয়ংকৰ ৰূপ ধাৰণ কৰাৰ সমান্তৰলকৈ ৰাজ্যত সংহাৰী ৰূপ লৈছে বানে । ৰাজ্যত হৈ থকা ধাৰাষাৰ বৰষুণৰ আৰু নীপকোই এৰি দিয়া পানীৰ ফলত ব্ৰহ্মপুত্ৰৰ জলষ্ঠৰ বৃদ্ধি পাইছে । ফলত ৰাজ্যৰ বহু ঠাই বানৰ কবলত পৰিছে । দক্ষিণ কামৰূপৰ পলাশবাৰীৰ পৌৰ সভাৰ অধীনৰ বহু কেইটা অঞ্চলৰ লগতে বিজয়নগৰৰ দখলাৰ কিছু অঞ্চল বানৰ কবলত পৰিছে । উল্লেখযোগ্য যে, প্ৰত্যক বছৰে বানত বুৰ যায় অঞ্চলসমূহ । কিন্তু চৰকাৰে গুৰুত্ব প্ৰদান নকৰাৰ অভিযোগ ।
ইপিনে ব্ৰহ্মপুত্ৰত পলাশবাৰীৰ পৰা শুৱালকুচি লৈ দলং নিৰ্মাণ কৰাৰ উদ্দেশ্যে কিছু অংশ মাথাউৰীৰ কাম এতিয়াও সম্পুৰ্ণ হৈ উঠা নাই । ফলত বানত ডুব যায় অঞ্চলসমূহ । বছৰে বছৰে যথেষ্ট পৰিমানে ক্ষতি সন্মূখীন হ‘ব এইসকল লোকৰ । আনহাতে বানৰ বাবে আলাই অথানি হৈছে পশুধনৰ । ইফালে পলাশবাৰীৰ বানাক্ৰান্ত লোক সকলে মাথাউৰীৰ ওপৰতে নিজাববীয়াকৈ অস্থায়ী শিবিৰ নিৰ্মান কৰি আশ্ৰয় গ্ৰহণ কৰিছে । শিবিৰত বৃদ্ধ, শিশুকে ধৰি সকলো বানাক্ৰান্তই নিজৰ বাসগৃহ এৰি আহি আশ্ৰয় লৈছে । জিলা প্ৰশাসন তথা জনপ্ৰতিনিধিৰ সময় নাই এই সকল লোকৰ অৱস্থাৰ বুজ লবলৈ । ২৪ ঘণ্টা উকলি যোৱাৰ পিছতো উপস্থিত নহ'ল পলাশবাৰীৰ বিধায়ক প্ৰণৱ কলিতা । ইপিনে নিশাটোৰ ভিতৰতে হুৰা-হুৰে ব্ৰহ্মপুত্ৰৰ পৰা অঞ্চলটোলৈ পানী সোমোৱাত এতিয়া হাহাকাৰ পৰিস্থিতিৰ সৃষ্টি হৈছে অঞ্চলতোত । উল্লেখযোগ্য যে, বৰ্তমান পৰ্যন্ত ৰাজ্যত 86 টা ৰাজহ চক্ৰ এলেকা বানৰ কবলত থকাৰ বিপৰীতে 2,763 খন গাঁও বানত প্লাৱিত হৈছে ৷ 1,03,806,15 হেক্টৰ ভূমি বানৰ কৱলত পৰাৰ লগতে 21,63,010 গৰাকী ব্যক্তি বানত ক্ষতিগ্ৰস্ত হোৱা দেখা হৈছে ৷ সোমবাৰৰ দিনটোতে ৰাজ্যত বানৰ ফলত 6 জনকৈ ব্যক্তি মৃত্যু মুখত পৰাৰ বিপৰীতে সমগ্ৰ ৰাজ্যখনত বৰ্তমান বানৰ ফলত মৃত্যু হোৱা ব্যক্তিৰ সংখ্যা 50 জনলৈ বৃদ্ধি পাইছে ৷
লগতে পঢ়কঃ ৰাজ্যৰ পুনৰ 1001 গৰাকী আক্ৰান্ত কোভিড-19 ত
