গুৱাহাটী, 3 মে' : ঘন্টাত ১৭৫ পৰা ১৮৫ কি.মি বেগৰে অহা ফেনী ঘূৰ্ণীবতাহে ৪ মে'ত প্ৰৱেশ কৰিব উত্তৰ-পূৰ্বাঞ্চলত ৷ অসমত অৱশ্যে ধুমুহাৰ গতি হ্ৰাস হৈ ঘন্টাত ৬০ পৰা ৮০ কিমি বেগ হ'ব বুলি জনায় বতৰ বিজ্ঞান কেন্দ্ৰই ৷ ফেনীৰ বাবে 4 আৰু 5 মে'ত ৰাজ্যত তীব্ৰ বৃষ্টিপাতৰো আশংকা কৰিছে বতৰ বিজ্ঞান কেন্দ্ৰই ৷
সাৱধান অসমত প্ৰৱেশ কৰিছে ফেনী ! ক'ত ক'ত পৰিব ফেনীৰ প্ৰভাৱ ? অসমৰ ক'ত ক'ত পৰিব ফেনীৰ প্ৰভাৱ ?
- অসমৰ ধুবুৰী, কোকৰাঝাৰ,গোৱালপাৰা,বঙাইগাঁও,চিৰাং, বৰপেটা, কামৰূপ, দক্ষিণ শালমৰা, মানকাচৰ আৰু বাক্সাৰ ঠাই বিশেষে বৃষ্টিপাতৰ কমলাৰঙী সতৰ্কতা জাৰি কৰিছে ।
- ইয়াৰ বিপৰীতে নলবাৰী,কামৰূপ (মহানগৰ),দৰং, মৰিগাঁও, শোণিতপুৰ, কাছাৰ আৰু কৰিমগঞ্জত বৃষ্টিপাতৰ হালধীয়া ৰঙী সতৰ্কতা জাৰি কৰিছে প্ৰশাসনে ।
- দেওবাৰে বঙাইগাঁও,চিৰাং, বৰপেটা, নলবাৰী, বাক্সা, শোণিতপুৰ, ওদালগুৰি জিলাত প্ৰৱলৰ পৰা প্ৰৱলতৰ বৃষ্টিপাতৰ আশংকা। ধুবুৰী, কোকৰাঝাৰ, গোৱালপাৰা, কামৰূপ, কামৰূপ (মহানগৰ), দক্ষিণ শালমৰা, মানকাচৰ, নগাঁও, হোজাই, বিশ্বনাথ, পশ্চিম কাৰ্বি আংলং, যোৰহাট, মাজুলী, লখিমপুৰ, ধেমাজি আৰু ডিব্ৰুগড়ত প্ৰৱল বৃষ্টিপাতৰ আশংকাত কমলাৰঙী সতৰ্কতা জাৰি কৰিছে বতৰ বিজ্ঞান কেন্দ্ৰই ।
- 3 ৰ পৰা 5 মে'লৈ অসমৰ লগতে মেঘালয়, অৰুণাচল, নাগালেণ্ড, ত্ৰিপুৰা, মণিপুৰ মিজোৰাম আৰু ত্ৰিপুৰাতো তীব্ৰ বৰষুণৰ আশংকা বতৰ বিজ্ঞান কেন্দ্ৰৰ৷
