হাজোত হজ যাত্ৰীক সম্বৰ্ধনা

হাজোৰ পৰা মক্কালৈ অৰ্ধ শতাধিক হজ যাত্ৰী সাজু ৷ সংখ্যা লঘু ছাত্ৰ সন্থাৰ উদ্যোগত হজ যাত্ৰীক সম্বৰ্ধনা ৷ ৰুমাল,কোৰান চৰীফ,গামোচাৰে সম্বৰ্ধনা হজ যাত্ৰীক

হাজো,1জুলাই : পবিত্ৰ হজ যাত্ৰালৈ মাজত মাত্ৰ কেইটামান দিন বাকী। ৰাজ্যৰ বিভিন্ন প্ৰান্তৰ হজ যাত্ৰীসকল মক্কাৰ মদিনালৈ যাবলৈ সাজু হৈ উঠিছে। তীৰ্থ নগৰী হাজোৰ পৰাও অৰ্ধ শতাধিক হজ যাত্ৰী সাজু হৈছে পবিত্ৰ হজ যাত্ৰালৈ। সেয়েহে ৰবিবাৰে হাজোৰ পতনি জামে মজিদ প্ৰাংগণত উত্তৰ-পূৰ্বাঞ্চল সংখ্যা লঘু ছাত্ৰ সন্থাৰ কামৰূপ জিলা সমিতিৰ উদ্যোগত আৰু হাজো আঞ্চলিক সমিতিৰ সহযোগত হজ যাত্ৰী সকলক সম্বৰ্ধনা জনোৱাৰ উদেশ্যেৰে আয়োজন কৰে এখন সম্বৰ্ধনা সভা। সভাত হজ যাত্ৰীসকলক এখনকৈ ৰুমাল,কোৰান চৰীফ,গামোচা আদিৰে সম্বৰ্ধনা জনোৱা হয়। ইয়াৰ উপৰিও হজ যাত্ৰীসকলৰ পবিত্ৰ হজ যাতে সফল হয় আৰু লগতে বিশ্ব শান্তিৰ বাবে আল্লাৰ ওচৰত দোৱা কৰে ৷