ৰঙিয়া, 23 অক্টোবৰ :দুৰ্নীতিত পোত গৈছে ৰাজ্যৰ অধিকাংশ বিভাগ ৷ বিগত সময়চোৱাত মুখ্যমন্ত্ৰীৰ পৃষ্ঠপোষকতাত একাংশ বিভাগৰ বিৰুদ্ধে দুৰ্নীতি বিৰোধী অভিযান চলা পৰিলক্ষিত হৈছিল ৷ পিছে ৰাজ্য চৰকাৰ দুৰ্নীতিৰ ক্ষেত্ৰত কঠোৰ হ’লেও কিন্তু একাংশ চৰকাৰী বিষয়াই দুৰ্নীতি সংঘটিত কৰিবলৈ কুণ্ঠাবোধ কৰা নাই ৷ শেহতীয়াকৈ ৰঙিয়াত দুৰ্নীতিৰ অভিযোগত আটক হ'ল এগৰাকী অভিযন্তা ৷
ৰঙিয়াত দুৰ্নীতিৰ অভিযোগত গ্ৰেপ্তাৰ অভিযন্তা
অভিযন্তাগৰাকীৰ বিৰুদ্ধে উত্থাপিত অভিযোগ অনুসৰি, তেল ডিপোৰ NOC দিয়াৰ বাবে অতিৰিক্ত ধন লৈছিল অভিযন্তাজনে ৷ ইতিপূৰ্বে সংবাদ মাধ্যমত প্ৰকাশিত বাতৰিত অভিযন্তাগৰাকীয়ে ধন দাবী কৰাৰ এক ফোন ৰেকৰ্ডিং প্ৰকাশ পাইছিল ৷ দুৰ্নীতিক প্ৰশয় দিয়া অভিযন্তাজন হৈছে ৰঙিয়াৰ লোক নিৰ্মাণ বিভাগৰ সহকাৰী কাৰ্যবাহী অভিযন্তা দীপক মজুমদাৰ ৷