চাংসাৰিত কণী ভৰ্তি ট্ৰাকক লৈ চাঞ্চল্য
'SHAGUFA ENTERPRISE' নামৰ প্ৰতিষ্ঠানটোৰ বেনাৰত অহা কণী খিনিৰ এটা অংশ ট্ৰাকখনৰ পৰা AS-২৭-C-০৭৬৬ নম্বৰৰ পিক আপ ভেন খনত কৰা হৈছিল আনলোডিং । চাংসাৰি আৰক্ষীয়ে কণী সহ ট্ৰাক আৰু পিক আপ ভেন দুয়োখন বাহন জব্দ কৰিছিল ঘটনাস্থলীত ৷
কামৰূপ, 20 জুনঃ চাংসাৰিত কণী ভৰ্তি এখনি ট্ৰাকক লৈ নিশা চাঞ্চল্য । চাংসাৰি আৰক্ষীয়ে জব্দ কৰি এৰি দিলে কণী ভৰ্তি ট্ৰাক । 31 নং ৰাষ্ট্ৰীয় ঘাইপথত চাংসাৰি আৰক্ষীয়ে জব্দ কৰিছিল PB-১৩-Z-০৩১৭ নম্বৰৰ ট্ৰাক খন । ৰাষ্ট্ৰীয় ঘাইপথৰ ওপৰতে আনলোডিং কৰি থকা অৱস্থাত জব্দ কৰিছিল কণী ভৰ্তি ট্ৰাকখন । জব্দকৃত কণী ভৰ্তি ট্ৰাক খন নিশাই চাংসাৰি আৰক্ষীয়ে মোকলাই দিয়াক কেন্দ্ৰ কৰি ৰহস্য । পাঞ্জাবৰ নেচনেল পলিট্ৰি ফাৰ্মৰ পৰা গুৱাহাটীলৈ আহিছিল কণী ভৰ্তি ট্ৰাক খন । নাৰেংগী মিলিটাৰী কেম্পৰ চালানত অহা কণী ভৰ্তি ট্ৰাকখন চাংসাৰিত সন্দেহজনকভাৱে আনলোডিং কৰি থকা অৱস্থাত আৰক্ষীয়ে জব্দ কৰিছিল ট্ৰাকখন । 'SHAGUFA ENTERPRISE' নামৰ প্ৰতিষ্ঠানটোৰ বেনাৰত অহা কণী খিনিৰ এটা অংশ ট্ৰাকখনৰ পৰা AS-২৭-C-০৭৬৬ নম্বৰৰ পিক আপ ভেন খনত কৰা হৈছিল আনলোডিং । চাংসাৰি আৰক্ষীয়ে কণী সহ ট্ৰাক আৰু পিক আপ ভেন দুয়োখন বাহন জব্দ কৰিছিল ঘটনাস্থলীত । কিন্তু নিশাৰ ভাগত কোনো গোচৰ ৰুজু কৰা অবিহনে দুয়োখন বাহন চাংসাৰী আৰক্ষীয়ে মোকলাই দিয়ে । যাৰ বাবে চাংসাৰিৰ সচেতন মহলৰ মাজত সৃষ্টি হৈছে বিৰূপ প্ৰতিক্ৰিয়া । ইফালে বেলতলাৰ বিকী কুমাৰ চেঠ নামৰ ব্যক্তি গৰাকীয়ে মোকলাই নিয়া বাহন দুখন বৈধ বুলি জানিবলৈ দিছে চাংসাৰি আৰক্ষীয়ে ।