ভাৰত পেট্ৰ'লিয়ামৰ অভিনৱ সংযোজনঃ ' দʼৰ টু দʼৰ ' ইন্ধন যোগান

কাৰণ উত্তৰ-পূবত প্ৰথম বাৰৰ বাবে আৰম্ভ হৈছে ' দʼৰ টু দʼৰ ' ইন্ধন যোগান সেৱা । এতিয়াৰ পৰা মাত্ৰ এটা ফোনতেই আপোনাৰ ওচৰত উপস্থিত হ'ব ইন্ধন পৰিবাহী বাহন ।

বাইহাটা, ২৫ জুনঃ ভাৰত পেট্ৰ'লিয়ামৰ এক অভিনৱ সংযোজন । উত্তৰ পূবত প্ৰথম বাৰৰ বাবে সংযোজিত হল ' দʼৰ টু দʼৰ ' ইন্ধন যোগান সেৱা । এতিয়াৰ পৰা পেট্ৰ'ল পাম্পলৈ নোযোৱাকৈয়ে ক্ৰয় কৰিব পাৰিব ডিজেল । বিশেষকৈ উদ্যোগীসকলে ইয়াৰ পৰা বিশেষ সকাহ লাভ কৰিব পাৰিব । এক বিশেষ এপছৰ ব্যৱস্থাৰ যোগে ফোন কৰি ক্ৰয় কৰিব পাৰিব ডিজেল ।

ইতিমধ্যে কামৰূপ জিলাৰ বাইহাটাত বি পি চিএলৰ ৰিটেইলাৰ ডিপোত মঙলবাৰৰ পৰা এই সেৱা আৰম্ভ হৈছে । মঙলবাৰে এই সেৱা আনুষ্ঠানিক ভাৱে মুকলি কৰে বি পি চি এলৰ পূব শাখাৰ মুৰব্বী সুখমল জৈন আৰু উত্তৰ পূবৰ মুৰব্বী পীযুষ গুপ্তাই ।