গুৱাহাটী,২৭ ফেব্ৰুৱাৰীঃ ডিমৰীয়া শ্ৰী শ্ৰী বাসুদেৱ মন্দিৰ পৰিচালনা সমিতিৰ উদ্যোগত বুধবাৰে সমুহীয়া বিবাহৰ অনুষ্ঠান অনুষ্ঠিত হয় । আনন্দময় পৰিৱেশত অনুষ্ঠিত হয় ২৩ যোৰ কৈ দৰা-কইনাৰ সমূহীয়া বিবাহ ।
বিভিন্ন পৰিৱেশ -পৰিস্থিতিত বিবাহৰ কাৰ্য সম্পন্ন কৰিব নোৱৰা যুৱক-যুৱতীসকলক আৰ্থিক সকাহ আৰু সামাজিক মৰ্যদা দিয়াৰ উদেশ্যে মঙলবাৰে অনুষ্ঠিত হয় এই সমূহীয়া বিবাহ। আয়তীৰ বিয়ানাম- উৰুলি ধ্বনি আৰু বেণ্ড-পাটীৰ শব্দতয়ে দৰা-কইনাৰ সাজৰে পুৰোহিতৰ মন্ত্ৰোচ্চাৰণত হোমৰ অগ্নিক সাক্ষী কৰি পৰস্পৰে পৰস্পৰক মাল্য অৰ্পণ কৰি যথাৰীতি মতে বিবাহ পাশত আৱদ্ধ হয় যুৱক-যুৱতীসকল।