কুলসী নৈত সন্ধানহীন যুৱকৰ মৃতদেহ উদ্ধাৰ

এখন বিয়াত অংশগ্ৰহণ কৰিবলৈ আহি কুলসী নৈত মৃত্যুক সাৱটি লৈছে গুৱাহাটী ৰূপনগৰৰ হিতেন বেজবৰুৱা নামৰ যুৱকজনে । এনডিআৰএফ আৰু এছডিআৰএফ বাহিনীয়ে অভিযান চলাই যুৱজনৰ মৃতদেহ উদ্ধাৰ কৰে ।

আজাৰা, ২৮ মে': দক্ষিণ কামৰূপৰ কুলসী নৈত সমনীয়াৰ সৈতে গা ধুবলৈ গৈ সন্ধানহীন হোৱা যুৱকৰ মৃতদেহ উদ্ধাৰ কৰা হৈছে । সোমবাৰে সন্ধানহীন হোৱা যুৱক জন গুৱাহাটী ৰূপনগৰৰ হিতেন বেজবৰুৱা বুলি জানিব পৰা গৈছে । এখন বিয়াত অংশগ্ৰহণ কৰিবলৈ আহি এনেদৰে মৃত্যুক সাৱটি লয় যুৱকজনে ।

ঘটনা সংঘটিত হোৱাৰ পাছতে পলাশবাৰী আৰক্ষী উপস্থিত হোৱাৰ লগতে এনডিআৰএফ আৰু এছডিআৰএফ বাহিনীয়ে অভিযান চলাই যুৱজনৰ মৃতদেহ উদ্ধাৰ কৰে ।