হাজোত এখন বাহনৰ ওপৰত অচিনাক্ত মৃতদেহ উদ্ধাৰ

হাজোত বৰ্ণিত অচিনাক্ত মৃতদেহ উদ্ধাৰ ৷ বৃহস্পতিবাৰে এখন বাহনৰ ওপৰত মৃতদেহটো উদ্ধাৰ কৰে আৰক্ষীয়ে ৷ ঘটনা সন্দৰ্ভত আৰক্ষীৰ তদন্ত আৰম্ভ ৷

বাইহাটা,14 মে’ : হাজোত বৰ্ণিত বৃহস্পতিবাৰে নিশা এটা অচিনাক্ত মৃতদেহ উদ্ধাৰ হোৱাক লৈ সৃষ্টি হৈছে তীব্ৰ চাঞ্চল্যৰ ৷ বৰ্ণি হাইস্কুলৰ সমীপত এখন বাহনৰ ওপৰত উদ্ধাৰ হৈছে অচিনাক্ত মৃতদেহটো ৷

AS-01-BT-0912 নম্বৰৰ বাহনখনৰ ওপৰত ক্ষত-বিক্ষত অৱস্থাত মৃতদেহটো আৰক্ষীয়ে উদ্ধাৰ কৰে ৷ ইফালে ঘটনাস্থলীৰ পৰা বাহন এৰি পলায়ন কৰে চালকজনে ৷

দুৰ্ঘটনাৰ ফলত মৃতদেহটো বাহনখনৰ ওপৰত থকা বুলি স্থানীয় লোকে সন্দেহ প্ৰকাশ কৰিছে ৷ ইতিমধ্যে ঘটনাস্থলীত আৰক্ষী উপস্থিত হৈ বাহনখন জব্দ কৰাৰ লগতে ঘটনা সন্দৰ্ভত তদন্ত আৰম্ভ কৰা বুলি জানিব পৰা গৈছে ৷

লগতে পঢ়ক :লাঠিৰে কোবাই কোবাই নৃশংসভাৱে হত্যা যুৱকক