নিৰপত্তাহীনতাত ভুগিছে বাইহাটা চাৰিআলিৰ সৰ্বসাধাৰণ

নিতৌ সংঘটিত হৈ অহা চুৰি,ডকাইতিয়ে শংকিত কৰি তুলিছে সৰ্বসাধাৰণক ।

বাইহাটা চাৰিআলি,30 মে':আজি পুনৰ বাইহাটা চাৰিআলিত সংঘটিত হ'ল ডকাইতিৰ ঘটনা । বাইহাটা চাৰিআলিৰ কেন্দুকণাত দিন দুপৰতে এজন ব্যৱসায়ীৰ পৰা কাঢ়ি লৈ গ'ল ৫লাখ ৫০ হাজাৰ টকা । ৰমেশ শইকীয়া নামৰ কমলপুৰৰ ব্যৱসায়ী এজনে নলবাৰীৰ এক্সিছ বেংকৰ পৰা উলিয়াই আনিছিল এই ধন খিনি । কেন্দুকণাত ব্যৱসায়ী জনৰ পৰা পালচাৰ বাইকত অহা দুজন ডকাইতে কাঢ়ি লৈ ৰঙিয়া অভিমুখে গুচি যায় । ঘটনাৰ কিছুসময় পিচতে কমলপুৰ আৰক্ষী উপস্থিত ঘটনাস্থলীত হৈ আৰম্ভ কৰে তদন্ত । ইতিমধ্যে ব্যৱসায়ী জনে কমলপুৰ আৰক্ষী থানাত দাখিল কৰিছে এজাহাৰ ।