MALIGAON
গুৱাহাটী , 8 মাৰ্চ : নিশাৰ মহানগৰীত দিনে দিনে বৃদ্ধি পাইছে দুষ্কৃতিকাৰীৰ তাণ্ডৱ । বৃহস্পতিবাৰে নিশা মালিগাঁৱত সংঘটিত হয় পেট্ৰ'ল পাম্পত ডকাইতিৰ ঘটনা । স্থানীয় ৰাইজে ডকাইতটোক আটক কৰি গতালে আৰক্ষীক ।বৃহস্পতিবাৰে নিশা মালিগাঁৱৰ বিমল অটো এজেঞ্চী নামৰ এটা পেট্ৰ'ল পাম্পৰ পৰা ডকাইতি কৰিবলৈ আহিছিল দুজনীয়া ডকাইতৰ এটা দল । পেট্ৰ'ল পাম্পৰ কৰ্মচাৰীৰ পৰা টকা লৈ পলাবলৈ চেষ্টা কৰোতে স্থানীয় লোকৰ তৎপৰতাত আটক হয় ডকাইতটো ৷ ৰাইজে উত্তম মধ্যম শোধাই বিহাৰৰ ৰাজ যাদৱ নামৰ ডকাইতটোক গটাই দিয়ে জালুকবাৰী আৰক্ষীক।
আনহাতে উক্ত ডকাইতি কাণ্ডত জড়িত আন এটা ডকাইত ঘটনাস্থলীৰ পৰা পলায়ন কৰিবলৈ সক্ষম হয় । সম্প্ৰতি ঘটনা সন্দৰ্ভত আৰক্ষীয়ে এটা গোচৰ ৰুজু কৰি আৰম্ভ কৰিছে তদন্ত প্ৰক্ৰিয়া।