জলসিঞ্জন বিভাগত দুৰ্নীতিৰ বজাৰ!

জলসিঞ্চন বিভাগত দুৰ্নীতিৰ অভিযোগ উত্থাপন কৰি APW ৰ সচিব প্ৰধান অভিজিত শৰ্মাৰ সংবাদমেল ৷ বিভাগটোৰে মন্ত্ৰী ভৱেশ কলিতাৰ এজন ঘনিষ্ঠৰ বিৰুদ্ধে উত্থাপন কৰিছে দুৰ্নীতিৰ অভিযোগ ৷

গুৱাহাটী , 27 এপ্ৰিল : জলসিঞ্চন বিভাগৰ কাৰ্যবাহী অভিযন্তা মনেশ্বৰ ডেকাৰ জৰিয়তে মন্ত্ৰী ভবেশ কলিতাই উৎকোচ লোৱাৰ অভিযোগ ৷ বিভাগটোৰ খালী হোৱা পদৰ বাবদ 3 লাখকৈ উৎকোচ লোৱাৰ অভিযোগ উত্থাপন ৷

লগতে পঢ়ক : নিৰ্বাচনে প্ৰভাৱ পেলাই নেকি দেশৰ অৰ্থনীতিত? এখন সুস্থিৰ চৰকাৰৰ অপেক্ষাত বাণিজ্য ক্ষেত্ৰ

মন্ত্ৰী ভৱেশ কলিতা , মনেশ্বৰ ডেকা তথা এই দুৰ্নীতি কাণ্ডৰ লগত জড়িত থকা ব্যক্তি কেইজনৰ বিৰুদ্ধে পদক্ষেপ গ্ৰহণ কৰিবলৈ মুখ্যমন্ত্ৰীলৈ আহ্বান জনায় অভিজিত শৰ্মাই ৷ জলসিঞ্চন বিভাগৰ খালী পদসমূহত হ'বলগীয়া নিযুক্তিৰ বাবদ বিভাগটোত চলি থকা দুৰ্নীতি বন্ধ কৰিবলৈ তথা উপযুক্ত ব্যৱস্থা গ্ৰহণ কৰিবলৈ সংবাদমেলখনত বিভাগীয় কৰ্তৃপক্ষক দাবী জনায় ৷ ইয়াৰোপৰি বিভাগটোৰ দুৰ্নীতি গ্ৰস্ত বিষয়া সকলক বদলি কৰি নিকা বিষয়াক নিযুক্তি দিবলৈয়ো তেওঁলোকে দাবী জনায় ৷