বকো,22 মাৰ্চ: অসম-মেঘালয় সীমান্তৱৰ্তী কামৰূপ (গ্ৰাম্য) জিলাৰ বকোৰ লাম্পিত সোমবাৰে উপস্থিত হয় 48 নং বকো বিধানসভা সমষ্টিৰ কংগ্ৰেছ দলৰ প্ৰাৰ্থী তথা বকো সমষ্টিৰ বিধায়িকা নন্দিতা দাসে । সমাগত বিধানসভা নিৰ্বাচনৰ বাবে সমষ্টিটোত প্ৰচাৰ চলায় বিধায়িকা গৰাকীয়ে ৷
লাম্পিত উপস্থিত হৈ অঞ্চলটোৰ ৰাইজৰ সৈতে মত বিনিময় কৰে নন্দিতা দাসে । মূলতঃ আন্তঃৰাজ্যিক সীমা সমস্যাৰ বাবে প্ৰায়ে সংবাদ মাধ্যমৰ শিৰোনামা দখল কৰা লাম্পিৰ ৰাইজে সীমা সমস্যা সমাধান কৰাৰ বাবে দাবী উত্থাপন কৰে । ইয়াৰোপৰি. লাম্পিত বাস কৰা ৰাইজৰ ভূমি পট্টা, আৰক্ষীৰ বাবে এখন গাড়ী, লাম্পিৰ ৰাইজৰ বাবে এখন এম্বুলেঞ্চৰ ব্যৱস্থা কৰাৰ বাবে দাবী উত্থাপন কৰে ।
সীমা সমস্যা সমাধানৰ প্ৰতিশ্ৰুতি নন্দিতা দাসৰ