ৰঙিয়া, ৰঙাপৰা,23 ছেপ্তেম্বৰঃসমগ্ৰ দেশজুৰি বুধবাৰে চি আই টি ইউয়ে কেন্দ্ৰীয় চৰকাৰ বিৰুদ্ধে প্ৰতিবাদ সাব্যস্ত কৰে ৷ তাৰ পৰিপ্ৰেক্ষিতত অসমৰ বিভিন্ন প্ৰান্ততো প্ৰতিবাদী কাৰ্যসূচী ৰূপায়ন কৰা দেখা যায় ৷ ৰঙিয়া , ৰঙাপৰাতো কেন্দ্ৰীয় চৰকাৰৰ বিৰুদ্ধে চি আই টি ইউৰ লগত প্ৰতিবাদত নামিল AJYCP ৷ চৰকাৰ বিৰোধী বিভিন্ন শ্ল’গানেৰে প্ৰতিবাদস্থলী উত্তাল কৰি তোলে চি আই টি ইউয়ে ।
উল্লেখযোগ্য যে, ৰাজহুৱা সম্পদ ব্যক্তিগত কৰণৰ লগতে কিছুদিন পূৰ্বে সংসদত গৃহীত হোৱা কৃষি আইনৰ বিৰোধীতা কৰি দেশজুৰি প্ৰতিবাদ সাব্যস্ত কৰে চি আই টি ইউয়ে । অত্যাৱশ্যকীয় সামগ্ৰীৰ মুল্যবৃদ্ধি ৰোধ কৰিব নোৱাৰাত চৰকাৰক ক্ষুৰধাৰ সমলোচনা কৰে চি আই টিইউ য়ে ৷ দেশৰ অন্যান্য ট্ৰেড ইউনিয়ন আৰু কৰ্মচাৰী ফেডাৰেচন সমূহৰ আহ্বান মৰ্মে বুধবাৰে চৰকাৰৰ ৰাজহুৱা খণ্ড ব্যক্তিগতকৰণৰ নীতি, শ্ৰমিক-কৃষক সম্পৰ্কীয় আইন সমূহৰ সংস্কাৰ আদিকে ধৰি চৰকাৰৰ বিভিন্ন জনবিৰোধী নীতিৰ বিৰুদ্ধে ৰঙাপৰাতো প্ৰতিবাদী কাৰ্যসূচী ৰূপায়ণ কৰে সংগঠনটোৱে ।
