উলংগ নৃত্য কাণ্ডঃ আৰু 1 জন অভিযুক্তক আটক - উলংগ নৃত্য কাণ্ড
আচলপাৰা কাণ্ডৰ ঘটনাৰ লগত জড়িত আৰু এজন লোকক ছয়গাঁও আৰক্ষীয়ে গ্ৰেপ্তাৰ কৰে ৷ আচলপাৰাৰ পৰা নিশা ছয়গাঁও আৰক্ষীয়ে গ্ৰেপ্তাৰ কৰা লোকজন হ’ল চমেজ আলী ওৰফে চমিজউদ্দিন ৷
উলংগ নৃত্য কাণ্ডৰ আন 1 জন অভিযুক্ত আটক
ছয়গাঁও,১৯ জুন: ছয়গাঁও সমষ্টিৰ আচলপাৰাত কিছুদিন পূৰ্বে সংঘটিত অনুষ্ঠান পৰিৱেশনৰ বাবে অহা শিল্পী দলক উলংগ নৃত্য কৰাৰ বাবে হেঁচা প্ৰয়োগ কৰা ঘটনাৰ লগত জড়িত আন এজন অভিযুক্তক ছয়গাঁও আৰক্ষীয়ে গ্ৰেপ্তাৰ কৰে ৷ মঙলবাৰে নিশা ছয়গাঁও আৰক্ষী থানাৰ তদন্তকাৰী বিষয়া আনজাদ ব্ৰহ্মৰ নেতৃত্বত যোৱা এটা আৰক্ষীৰ দলে আচলপাৰাত অভিযান চলাই লোকজনক গ্ৰেপ্তাৰ কৰে ৷ আৰক্ষীৰ হাতত গ্ৰেপ্তাৰ হোৱা লোকজন হ’ল চাম্পুপাৰাৰ চমেজ আলী ওৰফে চমিজউদ্দিন ৷ ইপিনে এই পৰ্যন্ত আচলপাৰাৰ কাণ্ড সন্দৰ্ভত 8 জনক আৰক্ষীয়ে গ্ৰেপ্তাৰ কৰিছে ৷ উল্লেখ্য যে আচলপাৰাত শিল্পী দলক উলংগ নৃত্য কৰাৰ বাবে হেচা প্ৰয়োগ কৰা মূল অভিযুক্তৰ ভিতৰৰ চমেজ আলীও আছিল অন্যতম এজন মূল অভিযুক্ত ৷
উলংগ নৃত্য কাণ্ডৰ আন 1 জন অভিযুক্ত আটক