ছয়গাঁৱত অব্যাহত বন-ধ্বংস যজ্ঞঃ জব্দ চেগুণৰ কুণ্ডা ভৰ্তি বাহন

পশ্চিম কামৰূপ বন সংমণ্ডলৰ অধীনস্থ তথা বামুণীগাঁও আঞ্চলিক বন বিষয়া কাৰ্যালয়ৰ অন্তৰ্গত কালাবাকাৰাত বন বিভাগে জব্দ কৰে দুই লাখ টকাৰ মূল্যৱান চেগুণ কাঠৰ কুণ্ডা ৷

ছয়গাঁও, ২০ জুনঃ দক্ষিণ কামৰূপৰ ছয়গাঁও অঞ্চলত অব্যাহত আছে বন-ধ্বংস যজ্ঞ ৷ নিশাৰ ভাগত চোৰাং কাঠ বেপাৰীয়ে চোৰাংভাৱে সৰবৰাহ কৰি আছে মূল্যৱান কাঠ ৷ বৃহস্পতিবাৰে পুৱতি নিশা বন বিভাগে এখন বলেৰ’ গাড়ী সহ জব্দ কৰে মূল্যৱান চেগুণৰ কুণ্ডা ৷

উল্লেখ্য যে, বামুণীগাঁও বনাঞ্চলিক কাৰ্যালয় আৰু কুকুৰমাৰা খণ্ড বন বিষয়া কাৰ্যালয়ৰ এটা তহলদাৰী দলে ছয়গাঁৱৰ কালাবাকাৰাৰ পৰা জব্দ কৰে চোৰাং চেগুণ কাঠ ভৰ্তি বলেৰ’ পিকআপ ভেনখন ৷ জব্দ কৰা চেগুন কাঠৰ কুণ্ডাখিনিৰ মূল্য প্ৰায় দুই লাখ হ’ব বুলি বন বিভাগৰ বিষয়াই জানিবলৈ দিয়ে ৷ আনহাতে বামুণীগাঁও বনাঞ্চলিক কাৰ্যালয়ত ৰাখি থোৱা হৈছে জব্দ কৰা কাঠ আৰু গাড়ীখন ৷

লগতে পঢ়কঃ তিনিচুকীয়াৰ তালাপত চুৰিকাণ্ডঃ হাতে-লোটে আটক 6 টা চোৰ