কামৰূপত পিতনিত উদ্ধাৰ চোৰ ৰূপী প্ৰেমিক

এজন যুৱক ৷ যুৱকজনক লৈ চলিল এক শ্বাসৰুদ্ধকাৰী দীঘলীয়া নাটক৷ নাটকখনক লৈ আমোদ পালে দক্ষিণ কামৰূপৰ একাংশ লোকে ৷

ছয়গাঁও ২৫ আগষ্টঃ দক্ষিণ কামৰূপৰ কুকুৰমাৰাৰ সমীপৰ বৰতেজপুৰত উত্তেজনা ৷ ঘৰৰ ভিতৰত নিশাৰে পৰা লুকাই থকা চোৰ ৰূপী যুৱক ওলাই লুকাল পিতনিত | যুৱকজনক লৈ পুৱাৰে পৰা আহুকালৰ সন্মুখীন হয় বিজয়নগৰ আৰক্ষী ৷ দীৰ্ঘ সময়ৰ মূৰত উদ্ধাৰ কৰিলে যুৱকজনক । প্ৰায় এটা বেলাৰ অন্তত দুপৰীয়া আৰক্ষী আৰু এছ ডি আৰ এফ বাহিনীৰ লোকে পিতনিৰ পৰা উদ্ধাৰ কৰে যুৱকজনক। জানিব পৰা মতে, যুৱকজন গুৱাহাটী কৃষ্ণনগৰৰ পিংকু ৰাজবংশী।

যুৱকজন ৰাইজৰ দৃষ্টিত চোৰ| পিচে আচল ঘটনা বেলেগ ৷ বৰতেজপুৰৰ এজনী ছোৱালীৰ প্ৰেমত পৰি পিংকু নিশাই সোমাইছিল প্ৰেয়সীৰ ঘৰত| তাৰ পাচতেই যুৱকজন বিছনাৰ তলত সোমাই যদিও অৱশেষত ঘৰৰ পৰা ওলাই ৰাইজৰ ৰোষত পৰাৰ ভয়ত কাষতে থকা পিতনিতে দিলে জাপ | অৱশেষত এটা বেলাৰ অন্তত উদ্ধাৰ কৰিলে চোৰ ৰূপী প্ৰেমিকক |