ছয়গাঁৱত অবৈধ চুলাই মদৰ ঘাটি উচ্ছেদ

ছয়গাঁৱৰ কুকুৰমাৰাত আৰক্ষীয়ে অভিযান চলাই জব্দ কৰে প্ৰায় ২৫০০ লিটাৰ অবৈধ চুলাই মদ ৷

ছয়গাঁও, ২২ অক্টোবৰঃ ছয়গাঁৱৰ কুকুৰমাৰাত আৰক্ষীয়ে অভিযান চলাই জব্দ কৰে প্ৰায় ২৫০০ লিটাৰ অবৈধ চুলাই মদ ৷ ছয়গাঁও অঞ্চলৰ কুকুৰমাৰা, বৰটাৰী, কুকুৰমাৰা, তেজপুৰ আদি গাঁৱত অবৈধ মদৰ বিৰুদ্ধে সংস্কৃত ছাত্ৰ সন্থাৰ উদ্যোগত সহস্ৰাধিক মহিলাই ৰাজপথেৰে বৃহৎ প্ৰতিবাদী সমদল উলিওৱাৰ পিচতে ছয়গাঁও আৰক্ষীয়ে অবৈধ মদৰ বিৰুদ্ধে এই অভিযান চলাই ৷ অৱশ্যে এই অভিযানত আৰক্ষীয়ে কোনো মদ ব্যৱসায়ীক গ্ৰেপ্তাৰ কৰিবলৈ সক্ষম হোৱা নাই ৷ উল্লেখ্য যে বৃহত্তৰ কুকুৰমাৰা অঞ্চলত অবৈধ মদৰ প্ৰচলন চলি আছে যদিও এই ক্ষেত্ৰত আবকাৰী বিভাগে কোনোধৰণৰ গুৰুত্ব আৰোপ কৰা নাই ৷ অৱশ্যে মাজে সময়ে আৰক্ষীয়ে মদৰ বিৰুদ্ধে অভিযান চলাই আহিছে যদিও এই অবৈধ কাৰ্য বন্ধ কৰিবলৈ সক্ষম হোৱা নাই ৷