ছয়গাঁও ২৫ নবেম্বৰ: ইৰাণৰ অছপাৰাত অনুষ্ঠিত ১ ম বাৰ্ষিক আন্তঃৰাষ্ট্ৰীয় কাৰাটে প্ৰতিযোগিতাত ৰূপৰ পদক অৰ্জন কৰি নিজ গৃহত উপস্থিত হোৱা ছয়গাঁও ৰিহাবাৰীৰ সংগীতা ৰাভাক দেওবাৰে কেইবাটাও সংগঠনে বিপুলভাৱে সম্বৰ্ধনা জনায় । ২০ নৱেম্বৰৰ পৰা তিনিদিনীয়াকৈ অনুষ্ঠিত হোৱা এই প্ৰতিযোগিতাত সংগীতাই ফাইনেলত পাকিস্তানৰ খেলুৱৈৰ হাতত পৰাজিত হৈ ৰূপৰ পদক লাভ কৰে । উল্লেখ্য যে, ছাইৰ অধীনত মুঠ ৬ গৰাকী খেলুৱৈয়ে এই প্ৰতিযোগিতাত ভাৰতীয় দলৰ হৈ অংশগ্ৰহণ কৰিছিল । সংগীতাৰ প্ৰথমগৰাকী প্ৰশিক্ষক জয়দেৱ বড়োৱে জনোৱা মতে সংগীতাই প্ৰথমতে জুডো খেলৰ প্ৰশিক্ষণ লৈছিল যদিও পৰৱৰ্তী সময়ত কোকৰাঝাৰত ছাইৰ অধীনত কাৰাটেৰ প্ৰশিক্ষণ লৈ বৰ্ত্তমান কোকৰাঝাৰ ছোৱালী কলেজত উচ্চতৰ মাধ্যমিকৰ প্ৰথম বাৰ্ষিকত অধ্যয়ন কৰি আছে ।
বহিঃৰাষ্ট্ৰত সাফল্য অৰ্জন ছয়গাঁৱৰ খেলুৱৈৰ